அமுதவாணன் புதிதாக கார் வாங்கி இருக்கும் தகவல் தான் தற்போது இணையத்தில் வைரலாகி வருகிறது.
சின்னத்திரையின் மூலம் மக்கள் மத்தியில் தனெக்கென ஒரு இடத்தை பிடித்து வைத்து இருப்பவர் அமுதவாணன். இவர் விஜய் டிவியில் ஒளிபரப்பான காமெடி நிகழ்ச்சியின் மூலம் மக்கள் மத்தியில் பிரபலமாகி இருக்கிறார். இவர் பல காமெடி நிகழ்ச்சிகளில் பங்கேற்று தன்னுடைய திறமையை வெளிப்படுத்தி இருக்கிறார்.
அதிலும் குறிப்பாக, இவர் நடிகர் ராமராஜன் போல் மேனரிசம் பண்ணுவது வேற லெவலில் இருக்கும். அதோடு இவர் சிறந்த நடனம் ஆடுபவர், மிக்கிரி கலைஞர், நடிகர் என பன்முகம் கொண்டு திகழ்கிறார். அது மட்டும் இல்லாமல் இவர் சில படங்களிலும் நடித்திருக்கிறார். மேலும், இவர் விஜய் டிவியில் ஒளிபரப்பப்பட்ட நிகழ்ச்சியில் பங்கேற்காத நிகழ்ச்சியே இல்லை என்று சொல்லலாம். அந்த அளவிற்கு விஜய் டிவியில் ஒரு அங்கமாகவே அமுதவாணன் இருக்கிறார்.
பிக் பாஸ் நிகழ்ச்சியில் அமுதவாணன்:
இதன் மூலம் இவருக்கு பிக் பாஸ் சீசன் 6 நிகழ்ச்சியில் கலந்து கொள்ளும் வாய்ப்பு கிடைத்தது. இதனால் இவர் பிக் பாஸ் நிகழ்ச்சியில் போட்டியாளராக பங்கேற்று இருந்தார். ஆரம்பத்தில் இருந்தே அமுதவாணன் நிகழ்ச்சியில் நன்றாக விளையாடிக் கொண்டு வந்தார். பின் இவர் ஜனனி உடன் கூட்டணி வைத்தது ரசிகர்கள் மத்தியில் பெரும் சர்ச்சையை ஏற்படுத்தி இருந்தது. மேலும், அமுதவாணன் அதிகம் ஜனனியுடன் தான் பேசிக் கொண்டும், ஜனனியை கைப்பாவையாக மாற்றிக்கொண்டு இருந்தார் என்றெல்லாம் பலரும் கூறி இருந்தார்கள்.
அமுதவாணன் குறித்த சர்ச்சை:
இது குறித்து பலருமே அமுதவாணனை விமர்சித்து இருந்தார்கள். பிக் பாஸ் நிகழ்ச்சிக்கு பின் அமுதவாணனுக்கு வெள்ளி திரையில் வாய்ப்புகள் கிடைக்கும் என்று எதிர்பார்க்கப்பட்டது. இது தொடர்பாக பேட்டியில் அமுதவாணன், நிறைய பட வாய்ப்புகள் வந்தது. ஆனால், அந்த நேரத்தில் நான் வேறு ஒரு நிகழ்ச்சியில் மாட்டிக்கொண்டதால் பட வாய்ப்புகள் மிஸ் செய்தேன் என்றெல்லாம் சொல்லியிருந்தார். அதற்கு பின் இவர் வழக்கம் போல் ரியாலிட்டி நிகழ்ச்சிகளில் பங்கு பெற்று வருகிறார்.
https://www.youtube.com/watch?v=RJzY8JUQlt0
விஜய் டிவி பிரபலங்கள்:
இப்படி இருக்கும் நிலையில் நடிகர் அமுதவாணன் புதிதாக கார் வாங்கியிருக்கும் தகவல் தான் தற்போது இணையத்தில் வைரலாகி வருகிறது. சில ஆண்டுகளாகவே விஜய் டிவி பிரபலங்கள் பலரும் புது கார்களை வாங்கி அதனுடன் எடுத்து புகைப்படத்தை சோசியல் மீடியாவில் வெளியிடுவதை வழக்கமாக வைத்திருக்கிறார்கள். சரண்யா, கேப்ரில்லா, மைனா நந்தினி, ரவீனா, ஆல்யா, கண்மணி போன்ற பல பிரபலங்கள் புது கார்களை வாங்கி இருக்கிறார்கள்.
அமுதவாணன் புது கார்:
அந்த வரிசையில் அமுதவாணன் இணைந்து இருக்கிறார். அமுதவாணன் தன்னுடைய குடும்பத்துடன் சென்று புதிய காரை வாங்கி இருக்கிறார். இது தொடர்பாக எடுத்த புகைப்படத்தை அவர் instaவில் பதிவிட்டிருக்கிறார். இதை பார்த்து ரசிகர்கள் பலரும் அமுதவாணனுக்கு வாழ்த்துக்களை தெரிவித்து வருகிறார்கள். ஏற்கனவே அமுதவாணன், maruthi suzuki Fronx என்ற காரை வாங்கி இருந்தார். இதன் மதிப்பு 8 லட்சம் என்பது குறிப்பிடத்தக்கது.
