தளபதி 66 படத்தின் டைட்டில் வாரிசு என்று வைக்கப்பட்டு இருக்கிறது. இந்த டைட்டிலை கேட்ட பலரும் சமூக வலைத்தளத்தில் படத்தின் தலைப்பை கேலி செய்து வருகின்றனர். தமிழ் சினிமா உலகில் முடிசூடா மன்னனாக பட்டைய கிளப்பிக் கொண்டிருப்பவர் நடிகர் விஜய். இவருடைய நடிப்பில் வரும் படங்கள் எல்லாமே பாக்ஸ் ஆபீஸில் இடம் பெற்று இருக்கிறது. கடைசியாக தளபதி விஜய் நடிப்பில் வெளிவந்த மாஸ்டர் படம் மிகப்பெரிய அளவில் வரவேற்பையும், அதிக வசூலையும் பெற்றிருந்தது. மாஸ்டர் படத்தை தொடர்ந்து விஜய் அவர்கள் பீஸ்ட் என்ற படத்தில் நடித்து இருக்கிறார். இந்த படத்தை இயக்குனர் நெல்சன் இயக்கி இருக்கிறார். மேலும், இந்த படத்தை சன் பிக்சர்ஸ் நிறுவனம் தயாரித்து இருக்கிறது.
இந்த படத்தில் செல்வராகவன், பூஜா ஹெக்டே, விடிவி கணேஷ் உட்பட பல நடிகர்கள் நடித்து இருக்கிறார்கள். மேலும், பீஸ்ட் படம் ஏப்ரல் 13 ஆம் தேதி உலகமெங்கும் வெளியிடப்பட்டு இருந்தது. பல எதிர்பார்ப்புடன் வெளிவந்த பீஸ்ட் படம் ரசிகர்கள் மத்தியில் கலவையான விமர்சனத்தை பெற்று வருகிறது. அதுமட்டும் இல்லாமல் விஜய் இந்த படத்துக்கு எப்படி ஓகே சொன்னார்? என்று பலரும் கேள்வி எழுப்பி இருந்தார்கள். இப்படி எக்கச்சக்கமான நெகட்டிவான விமர்சனங்கள் பீஸ்ட் பெற்று இருந்தாலும் வசூலில் சாதனை படைத்துள்ளதாக கூறப்படுகிறது.
‘தளபதி 66’ படம் பற்றிய தகவல்:
தற்போது பீஸ்ட் படத்தை தொடர்ந்து இயக்குனர் வம்சி பைடிபள்ளி இயக்கத்தில் ‘தளபதி 66’ என்ற படத்தில் விஜய் நடிக்கிறார். இந்த படத்திற்கு இன்னும் பெயர் வைக்கவில்லை. வம்சி தெலுங்கு சினிமா உலகில் முன்னணி இயக்குனர் ஆவார். மேலும், இந்த படத்தை தில் ராஜு தயாரிக்கிறார். இயக்குனர் வம்சி- தயாரிப்பாளர் தில் ராஜூ இருவரும் இணைந்து பல படங்களில் பணி புரிந்து இருக்கிறார்கள். இந்த படம் தமிழ், தெலுங்கு என இரு மொழிகளில் வெளியாக இருக்கிறது. இந்த படத்தில் விஜய்க்கு ஜோடியாக ராஷ்மிகா மந்தனா நடிக்க இருக்கிறார்.
‘தளபதி 66’ படத்தில் நடிக்கும் நடிகர்கள்:
மேலும், இந்த படத்தில் விஜய்யின் அப்பாவாக சரத்குமார் நடிக்க இருக்கிறார். தளபதி 66 படத்தின் முதல்கட்ட படப்பிடிப்பு நிறைவடைந்த நிலையில் அடுத்த கட்ட படபிடிப்புக்கு சென்று கொண்டு இருக்கிறது. அதோடு இந்த படத்தில் இரு அண்ணன் ரோலில் ஒருவராக ஷ்யாம் நடிக்கிறார். மற்றொருவர் கதாபாத்திரத்திற்கு பிரபல நடிகரிடம் பேச்சுவார்த்தை நடந்து கொண்டிருக்கின்றது. இப்படி ஒரு நிலையில் இந்த படத்திற்கு ‘வாரிசு’ என்று தலைப்பு வைக்கப்பட்டு இருக்கிறது.
தலைப்பை கலாய்க்கும் நெட்டிசன்கள் :
பொதுவாக விஜய் படம் என்றாலே படத்தின் டைட்டில் மாஸாக இருக்கும். இறுதியாக விஜய் நடித்த படங்களுக்கு மெர்சல், சர்க்கார், பிகில், மாஸ்டர், பீஸ்ட் என்று இந்தி மட்டும் ஆங்கில மொழியில் படு மாஸானா டைட்டிலுடன் தான் வெளியாகி இருந்தது. தற்போது நீண்ட இடைவெளிக்கு பின்னர் தமிழில் விஜய் படத்தின் டைட்டில் வெளியாகி இருந்தாலும் படத்தின் தலைப்பு எதோ தெலுகு படத்தின் டப்பிங் பெயர் போல தான் இருக்கிறது.
வாரிசு எப்படிப்பட்ட படம் :
இதனால் இந்த படத்தின் தலைப்பை நெட்டிசன்கள் பலரும் கேலி செய்து வருகின்றனர். இது ஒருபுறம் இருக்க சமீபத்தில் இயக்குநர் வம்சி அளித்து இருந்த பேட்டியில், விஜயின் 66-வது படம் ஆக்ஷன் படமாக இருக்காது. உணர்வுகள் நிரம்பிய வகையிலேயே அந்தப் படத்தின் திரைக்கதை அமைக்கப்பட்டு இருப்பதாகவும் கூறி இருந்தார். இதை எல்லாம் பார்க்கும் போது தளபதி 66 ஒரு பக்கா பேமிலி படம் என்பது தெள்ள தெளிவாக தெரிகிறது.
