1954ம் ஆண்டு நவம்பர் 7ம் தேதி பிறந்த கமல் ஹாசனின் 64 வது பிறந்த நாளை அவரது ரசிகர்கள் சிறப்பாக கொண்டாடி வருகின்றனர். மேலும் தனது பிறந்தநாளை ஆடம்பரமாக கொண்டாட வேண்டாம் என்றும் ஆதரவற்றோருக்கு உதவி செய்து கொண்டாடலாம் என்றும் ஆங்காங்கே இரத்த தான முகாம், உடல் உறுப்பு தானம் ஒப்புதல் அளிக்கும் முகாம், ஆதரவற்றோருக்கு உதவி செய்வது போன்ற தொண்டுகளை செய்து கமல் ரசிகர்கள் கொண்டாடுகின்றனர்.
இன்று கமல்ஹாசனின் பிறந்தநாளையொட்டி திரைத் துறையினர் பல்வேறு பிரபலங்கள், ரசிகர்கள், பொதுமக்கள் என பலரும் அவருக்கு சமூக வலைதளங்கள் மூலம் வாழ்த்து தெரிவித்து வருகின்றனர். இவர்களின் வரிசையில் நடிகர் விக்ரம், மலேசியாவில் நடைபெற்றுவரும் தன் `கடாரம் கொண்டான்’ பட ஷூட்டிங் ஸ்பார்ட்டில் இருந்து படக்குழுவினருடன் இணைந்து வீடியோ மூலம் கமலுக்கு வாழ்த்து தெரிவித்துள்ளார்.
.சாமி ஸ்கொயர் படத்தையடுத்து சீயான் விக்ரம் நடிக்கும் புதிய படம் `கடாரம் கொண்டான்’. இந்தப் படத்தில் விக்ரமுடன் அக்ஷராஹாசன் ஜோடியாக நடிக்கிறார் . கமல்ஹாசனின் ராஜ்கமல் ஃபிலிம் இன்டர்நேஷ்னல் மற்றும் டிடென்ட் ஆர்ட்ஸ் நிறுவனத்தின் தயாரிப்பில் உருவாகி வரும் இந்தப் படத்தின் ஃபர்ஸ்ட் லுக் நேற்று வெளியானது என்பது குறிப்பிடத்தக்கது.