கவுதம் மேனன் படத்தில் இருந்து விலகிய விஷ்ணு விஷால்.

தமிழ் சினிமாவில் வெண்ணிலா கபடி குழு படத்தின் மூலம் நடிகராகவும் வேலன்னு வந்துட்டா வெள்ளக்காரன் படத்தின் மூலம் தயாரிப்பாளராகவும் அறிமுகம் ஆனவர் நடிகர் விஷ்ணு விஷால். தற்போபது வரை 10+ படங்கள் நடித்திருக்கிறார். இவர் நடித்த பெரும்பாலான படங்கள் போர் அடிக்காமல் பார்க்கக் கூடிய படங்களாகும். கடைசியாக கதாநாயகன் என்ற படத்தில் நடித்திருந்தார். தற்போது 'சிலுக்குவார்ப்பட்டி சிங்கம்', 'ராட்சஸன்' உள்ளிட்ட படங்களில் நடித்து வருகிறார். வேலைன்னு வந்துட்டா வெள்ளைக்காரன் படத்திற்கு பிறகு மீண்டும் எழில் இயக்கத்தில் ஒரு படத்தில் நடிக்கவுள்ளார் விஷ்ணு. இந்நிலையில் கவுதம் வாசுதேவ் மேனன் தயாரிக்கும் ஒரு படத்தில் இருக்கு விலகியுள்ளார் விஷ்ணு விஷால். 'பொன் ஒன்று கண்டேன்' என்ற இந்த படத்தை புதுமுக இயக்குனர் செந்தில் வீராசாமி இயக்குகிறார். இந்த படம் தெலுங்கில் வெளிவந்து வெற்றி பெற்ற 'பெல்லிசூப்புலு' என்ற படத்தில் ரீமேக்காகும். மேலும், தமிழ் ரீமேக்கான பொன் ஒன்று கண்டேன் படத்தில் நடிக்க தமன்னா ஒப்பந்தம் ஆகி இருக்கிறார். தற்போது பல படங்களில் நடித்துக்கொண்டு இருப்பதால் இந்த படத்திற்காக தேதிகள் ஒதுக்க முடியவில்லை, அதனால் படத்தில் இருந்து விலகுகிறேன் எனவும் அறிவித்துள்ளார் விஷ்ணு விஷால்.