விஜய் தொலைக்காட்சியில் ஒளிபரப்பான பிக் பாஸ் நிகழ்ச்சியின் 4வது சீசன் சமீபத்தில் தான் நிறைவடைந்தது. இந்த சீசனில் ஆண் போட்டியாளர்களை விட பெண் போட்டியாளர்கள் தான் மிகவும் விமர்சிக்கப்பட்டார்கள். அதிலும் குறிப்பாக அர்ச்சனா, ரம்யா பாண்டியன், அனிதா, சுச்சித்ரா, சம்யுக்தா என்று பல்வேறு போட்டியாளர்கள் பிக் பாஸ் நிகழ்ச்சிக்கு பின்னர் பெரிதும் சமூக வலைதளத்தில் விமர்சிக்கப்பட்டனர். அவர்களை விமர்சிப்பதோடு மட்டுமல்லாமல் அவர்கள் குடும்பத்தினரை கூட கேலி மற்றும் ட்ரோல் என்ற பெயரில் அதிகம் விமர்சித்தனர். இதனால் ஒரு சில போட்டியாளர்கள் பிக் பாஸ் நிகழ்ச்சிக்கு பின் பேட்டிகளில் கூட பங்கேற்கவில்லை.
அதிலும் அர்ச்சனா, நிஷா, அனிதா, சம்யுக்தா போன்ற பெண்போட்டியாளர்களை சமூக வலைதளத்தில் பலரும் கடுமையாக விமர்சித்து வந்தனர். இப்படி ஒரு நிலையில் அனிதா சம்பத் தனது சமூக வளைத்தளத்தில் நபர் ஒருவர் தனக்கு தொடர்ந்து அவதூறாக மெசேஜ் செய்து வருவதாக கூறி அந்த நபரின் புகைப்படத்தை பதிவிடுள்ளார். அனிதா சம்பத் பிக் பாஸுக்கு பின் வெளியேறிய சில நாளில் அவரது தந்தை காலமானார்.
இதையும் பாருங்க : அவன் அவன் கொரோனால செத்துட்டு இருக்கான், உனக்கு - திட்டி தீர்த்த நபருக்கு லாஸ்லியா கொடுத்த பதிலடி.
அதன் பின்னர் பிக் பாஸ் வீட்டிற்குள் மீண்டும் வந்த அனிதா சமபத் ஒரே சமயத்தில் அப்பாவின் இறப்பு மற்றும் சமூக வலைதளத்தில் வரும் விமர்சனங்களை எதிர்கொள்ள முடியவில்லை என்று மிகவும் வேதனையோடு ஆரியிடம் தெரிவித்து இருந்தார். மேலும், பிக் பாஸுக்கு பின் அனிதா சம்பத் பேட்டிகளில் கூட பங்கேற்கவில்லை. தன்னுடைய சமூக வலைதளத்தில் மட்டும் ரசிகர்கள் கேட்கும் கேள்விகளுக்கு அவ்வப்போது பதில் அளித்து வருகிறார்.
இப்படி ஒரு நிலையில் இவர் இன்ஸ்டாகிராமில் ரசிகர்கள் கேட்கும் கேள்விகளுக்கு பதில் அழித்துக்கொண்டு இருக்கையில், ரசிகர் ஒருவர், அடுத்து எப்போது செய்தி சேனலில் வேலை செய்வீர்கள் என்று கேட்டிருந்தார். இதற்கு பதில் அளித்த அவர், அது என்னுடைய கனவாக இருந்தாலும், இப்போதைக்கு எந்த எண்ணமும் இல்லை. தினமும் அலுவலகத்திற்கு சென்று வரும் பரபரப்பான வாழ்க்கையில் இருந்து கொஞ்சம் பிரேக் எடுத்துக்கொண்டேன். தற்போது குடும்பத்துடன் நேரத்தை செலவலித்து வருகிறேன். இன்னமும் நான் அதிர்ச்சியில் இருந்து மீளவில்லை. அதுமட்டுமல்லாமல் செய்தி வாசிப்பை தவிர வேறு எதாவது தளத்தை கடுபிடித்துக்கொண்டு இருக்கிறேன் என்று கூறியுள்ளார்.
