தொலைக்காட்சி தொடர்களில் நடித்து சினிமாவில் நுழைந்தவர்கள் பல பேர் இருக்கின்றனர். அந்த வகையில் விஜய் டிவியில் ஒளிபரப்பான 'கல்யாணம் முதல் காதல் வரை ' என்ற சீரியலில் மூலம் பிரபலமடைந்து பின்னர் தற்போது சினிமாவில் கதாநாயகியாக நடித்து கலக்கி வருபவர் நடிகை ப்ரியா பவானி ஷங்கர்..
சமீபத்தில் இவர் யூடுயூப் சேனல் ஒன்றிற்கு அளித்த பேட்டி ஒன்றில் 'பிக் பாஸ் 2 நிகழ்ச்சியில் யார் ஓவியாக இருப்பார்கள் என்று கேள்வி கேட்கப்பட்டது 'அதற்கு பதில் அளித்த பிரியா பவானி ஷங்கர் 'நான் பிக் பாஸ் நிகழ்ச்சியை தொலைக்காட்சிகளில் பார்ப்பதை விட மீம்ஸ் மூலம் தான் அதிகம் பார்த்து தெரிந்து கொண்டேன்' என்று முதலில் கூறினார்.
பின்னர் ' முதல் இரண்டு வாரத்திற்கு அனைவருமே ஓவியா போல தான் தெரிவார்கள். சில நாட்கள் கழித்து தான்,அவர்களின் உண்மையான சுயரூபம் தெரியும். ஒருவரை போல மற்றொருவர் இருக்க முடியாது. ஒருவேளை யாரேனும் ஓவியாவை போல இருக்க நினைத்தாலும் அது பார்த்தவுடனே தெரிந்து விடும் ' என்று கூறியுள்ளார். அதுமட்டுமல்லாமல் பிக் பாஸ் 2 நிகழ்ச்சியில் மும்தாஜ் தான் தன்னுடைய அபிமான போட்டியாளர் என்றும் தெரிவித்துள்ளார்.
