அல்டிமேட் ஸ்டார் அஜித் நடிப்பில் கடந்த ஆண்டு பொங்கல் தின ஸ்பெஸலாக ஜனவரி மாதம் 10 ஆம் தேதி வெளியான விஸ்வாசம் திரைப்படம் ரசிகர்கள் மத்தியில் பெரும் வரவேற்பை பெற்றதோடு வசூல் ரீதியாகவும் பல்வேறு சாதனைகளைபடைத்து வந்தது,அதுமட்டுமல்லாமல் இதுவரை வந்த அஜித் படத்திலேயே இந்த படம் தான் மிகப்பெரிய வெற்றி என்று கூறப்படுகிறது. வீரம், வேதாளம், விவேகம் போன்ற படங்களை தொடர்ந்து இந்த படத்தின் மூலம் முறையாக கூட்டணி சேர்ந்தனர் அஜித் மற்றும் சிறுத்தை சிவா.
சூப்பர் ஸ்டார் ரஜினியின் பேட்ட படத்திற்கு போட்டியாக வெளிவந்த இந்த படம் தமிழக்தில் பேட்ட படத்தை விட அதிக வசூலை பெற்றது. மேலும், படத்திற்கு தமிழகத்தில் கிடைத்த வெற்றியை தொடர்ந்து தற்போது இந்த படம் தெலுங்கு, கன்னடம் என்று மற்ற மொழிகளிலும் டப் செய்யப்பட்டது. அது மட்டுமல்லாமல் இந்த படம் கடந்த ஆண்டு வெளியான படங்களில் சிறந்த படமாகவும் சமீபத்தில் விருது கூட பெற்றது.
இந்த படத்தில் அப்பா மற்றும் மகள் சென்டிமென்ட் தான் மைக்கருத்தாக இருந்து வந்தது. இந்த படத்தில் அஜித் மகளாக பேபி அனிகா நடித்திருந்தார். அதே போல இந்த படத்தின் வில்லனாக நடித்திருந்த ஜகபதி பாபுவின் மகளாக நேஹா என்ற கதாபாத்திரத்தில் நடித்திருந்தவரின் பெயர் சலோனி உமேஷ் புர்த்( Saloni Umesh Burde ). விஸ்வாசம் படத்தில் சிறிது நேரமே வந்தாலும் இவரது கதாபாத்திரமும் ரசிகர்கள் மனதில் இடம்பிடித்தது.
அதே போல பலரும் இவருக்கு விஸ்வாசம் படம் தான் முதல் படம் என்று நினைத்திருக்கிறார்கள். ஆனால், இவர் விஸ்வாசம் படத்திற்கு முன்பாகவே சூப்பர் ஸ்டார் நடிப்பில் வெளியாகி இருந்த காலா படத்திலும் நடித்திருக்கிறார். இந்த படத்தில் ஹுமா குரோஷி யுடன் நடித்திருக்கிறார். மேலும், இந்த படத்தின் போது சூப்பர் ஸ்டாருடன் இவர் நடித்த காட்சியின் புகைப்படம் ஒன்றும் சமூக வலைதளத்தில் வைரலாக பரவி வருகிறது. இதோ அந்த புகைப்படம்.
Follow Us at Google News : அனைத்து சினிமா செய்திகளையும் உடனுக்குடன் தெரிந்துகொள்ள Follow கிளிக் செய்து, பின்தொடர் என்பதை கிளிக் செய்யவும்.
