பல எதிர்பார்ப்புகளுக்கு இடையே வெளியான கோட் படத்தின் ட்ரெய்லர் தற்போது சோசியல் மீடியாவில் வைரல் ஆகி வருகிறது. தமிழ் சினிமா உலகில் என்றென்றும் தளபதியாக திகழ்ந்து கொண்டிருப்பவர் விஜய். இவர் நடிப்பில் வெளியாகும் அனைத்து படங்களும் மக்கள் மத்தியில் நல்ல வரவேற்பை பெற்றது மட்டுமில்லாமல் வசூல் சாதனையும் செய்து வருகிறது. அந்த வகையில் இறுதியாக லோகேஷ் கனகராஜ்- விஜய் கூட்டணியில் வெளியாகி இருந்த 'லியோ' படம் உலக அளவில் மிகப்பெரிய வசூல் சாதனை படைத்திருக்கிறது.
லியோ படத்தைத் தொடர்ந்து தற்போது நடிகர் விஜயின் 'கோட்' படத்தை இயக்குனர் வெங்கட் பிரபு இயக்கி இருக்கிறார். இந்தப் படத்தை ஏஜிஎஸ் என்டர்டைமண்ட் நிறுவனம் தயாரித்திருக்கிறது. நீண்ட இடைவெளிக்குப்பின் யுவன் சங்கர் ராஜா இந்த படத்திற்கு இசையமைத்திருக்கிறார். இந்த படத்தில் விஜய்க்கு ஜோடியாக மீனாட்சி சவுத்ரி நடித்துள்ளார். மேலும் பிரசாந்த், பிரபுதேவா, அஜ்மல், சினேகா, லைலா என்ன பெரிய நட்சத்திர பட்டாளமே இந்த படத்தில் நடித்துள்ளார்கள்.
கோட் படம்:
மேலும் சென்னை, திருவனந்தபுரம், ஹைதராபாத், தாய்லாந்து, ரஷ்யா, அமெரிக்கா போன்ற பல இடங்களில் இந்த படத்தினுடைய ஷூட்டிங் நடந்ததாக கூறப்படுகிறது. சமீபத்தில் கோட் படத்தின் பாடல்கள் வெளியாகி இணையத்தில் வைரலாகி இருந்தது. கடந்த ஏப்ரல் 14ஆம் தேதி கோட் படத்தினுடைய முதல் பாடலான 'விசில் போடு' வெளியாகி ரசிகர்கள் மத்தியில் நல்ல வரவேற்பை பெற்றது. அதை எடுத்து நடிகர் விஜயின் 50 வது பிறந்தநாளை முன்னிட்டு கோட் படத்தில் இருந்து 'சின்ன சின்ன கண்கள்' என்ற இரண்டாவது பாடல் வெளியாகியிருந்தது.
https://www.youtube.com/watch?v=jxCRlebiebw
கோட் பட பாடல்கள்:
இந்தப் பாடலை விஜய் பாடியிருக்கிறார். அது மட்டும் இல்லாமல் இந்த பாடலில் மறைந்த பாடகி பவதாரணி குரலும் ஏஐ மூலம் மறு உருவாக்கம் செய்து இருக்கிறார்கள். இந்த பாடல் வெளியாகி ரசிகர்கள் மத்தியில் நல்ல வரவேற்பை பெற்றது. அதனை தொடர்ந்து கோட் படத்தின் மூன்றாவது பாடல் சமீபத்தில் தான் வெளியாகியிருந்தது. இப்பாடலுக்கு 'ஸ்பார்க்' என தலைப்பு வைக்கப்பட்டுள்ளது. யுவன் சங்கர் ராஜா மற்றும் விருஷா பாலு இணைந்து பாடிய இப்பாடல் கடும் விமர்சனத்திற்கு உண்டானது.
கோட் குறித்த விமர்சனங்கள்:
இந்தப் பாடலில் விஜயை இளமை தோற்றத்தில் ஸ்டைலாக காட்டியுள்ளார்கள். ஆனால், பாடலில் வரும் விஜய் அவரைப் போல் இல்லை என்று இணையவாசிகள் விமர்சனங்களை செய்து இருந்தார்கள். அதே போல் யுவனின் இசையும் விமர்சனங்களுக்கு உண்டானது. அதனால் படத்தின் ட்ரெய்லர் மீது ஒட்டுமொத்த விஜய் ரசிகர்களும் நம்பிக்கை வைத்துள்ளனர். கடந்த ஆகஸ்ட் 15ஆம் தேதி, நடிகர் விஜய் தனது சமூக வலைத்தள பக்கங்களில், கோட் படத்தின் ட்ரெய்லர் ஆகஸ்ட் 17 ஆம் தேதி (இன்று) மாலை 5 மணிக்கு வெளியாகும் என்று அறிவித்திருந்தார்.
கோட் ட்ரெய்லர்:
இந்நிலையில், இன்று கோட் ட்ரெய்லர் வெளியாகி ரசிகர்களை உற்சாகப்படுத்தியுள்ளது. ட்ரெய்லரின் ஆரம்பத்திலேயே, நண்பா நண்பிஸ் என்னும் கோரிக்கையோடு விஜய் பாணியில் அமர்க்களப்படுத்தி உள்ளார்கள். ஏற்கனவே கிடைத்த தகவலின் படி இப்படத்தில் விஜய் SATZ ஏஜென்டாக நடிக்கிறார். மேலும், ட்ரெய்லரில் நடிகர் பிரசாந்த், விஜய் அறிமுகப்படுத்துவது போல் காட்டியுள்ளார்கள். அதேபோல், நடிகர் விஜயகாந்த் இப்படத்தில் ஏஐ மூலம் வருவது போல் காட்சிகள் இருக்கிறது என்று சொன்ன நிலையில், அந்த கட்சிகள் எதுவும் ட்ரெய்லரில் இடம் பெறவில்லை. மொத்தத்தில் பார்க்கும்போது கோட் ஒரு நல்ல ஆக்சன் பிளாக் ட்ரீட்டாக ரசிகர்களுக்கு இருக்கும் என தெரிகிறது. இப்படி பல எதிர்பார்ப்புகளோடு உருவாகியுள்ள 'கோட்' படம் வரும் செப்டம்பர் 5ஆம் தேதி திரைக்கு வரவுள்ளது.
