தமிழ் சினிமாவில் தல என்ற அந்தஸ்துடன் பல ஆண்டுகளாக முன்னணி நடிகர்களில் ஒருவராக திகழ்ந்து வருகிறார் நடிகர் அஜித். அஜித் என்றவுடன் நம் நினைவுக்கு முதலில் வருவது அவரது தன்னடக்கமும், தன்னம்பிக்கையும் தான். அதேபோல அடுத்தபடியாக நம் நினைவுக்கு வருவது அவரின் எளிமை தான். தமிழ் சினிமாவில் தற்போதுள்ள நடிகர்களில் விஜய், அஜித் இருவரைப் பற்றிய ஒரு சிறு தகவல் வந்தால் கூட அது பெரிய பரபரப்பை ஏற்படுத்தும் செய்தியாக மாறிவிடுகிறது. அப்படி ஒரு தகவல் இன்று அஜித்தைப் பற்றி வெளிவந்திருக்கிறது.
பொதுவாக அஜித் ஆடம்பரத்தை விரும்பாத நபர் என்பது பல சினிமா பிரபலங்கள் கூறினால் கேட்டிருக்கிறோம். அதேபோல மற்ற நடிகரை போல் இசை நிகழ்ச்சியில் கலந்து கொள்வது, பொது நிகழ்ச்சியில் கலந்து கொள்வது, சக்சஸ் மீட் வைப்பது என்று அஜித் செய்வது கிடையாது. தானுண்டு தன் வேலையுண்டு என்று தன் வேலையை பார்த்துக் கொண்டு வருபவர் நடிகர் அஜித். அதே போல அஜித்திடம் ஆன்ட்ராய்டு போன் பயன்படுத்தும் பழக்கம் இல்லையாம். சாதாரண மொபைல் போன் மட்டும் தான் பயன்படுத்துகிறார் என்று கடந்த சில வருடங்களாக கூறப்பட்டு வந்தது.
அப்படி என்றால் திரையுலகில் நடக்கும் விஷயங்கள் அஜித்துக்கு எப்படி போய்ச் சேருகிறது என்று கேட்கிறீர்களா. அதற்கென அஜித்தைச் சுற்றி சிலர் இருக்கிறார்கள். தினமும் என்னென்ன நடக்கிறது, பத்திரிகைகளில் என்ன வருகிறது, சமூக வலைத்தளங்களில் என்ன விவாதிக்கிறார்கள் என்பதை தவறாமல் அப்டேட் செய்துவிடுவார்கள். அஜித்திடம் போன்தான் இல்லை, ஆனால், போட்டுக் கொடுக்க ஆட்கள் இருக்கிறார்கள் என்று அஜித் வட்டாரங்கள் கூறினார்கள். சமீபத்தில் அஜித்தை ட்விட்டரில் இணைய வேண்டும் என்று ட்விட்டர் நிர்வாகம் அழைப்பு விடுத்தது.
இந்நிலையில் அஜித் குட்டி போனை பயன்படுத்தவில்லை அவரும் ஸ்மார்ட் போனை தான் பயன்படுத்துகிறார் என்று புதிய விமர்சனம் ஒன்று அஜித் மீது எழுந்துள்ளது. அதற்கு சான்றாக அஜித்தின் சட்டை பையில் ஸ்மார்ட் போன் இருக்கும் புகைப்படங்களும் வெளியாகியுள்ளது. இதனால் ட்விட்டரில் இனைய அஜித் ஆண்ட்ராய்டு போனை வாங்கிட்டாரா என்று ரசிகர்கள் மத்தியில் பேசப்பட்டு வருகிறது. ஆனால், இந்த புகைப்படத்தை பார்த்தல் பல ஆன்டுகளுக்கு முன்னர் எடுக்கபட்ட புகைப்படம் போன்று தான் தெரிகிறது. மேலும், அஜித் சிறிய போனை பயன்படுத்துகிறார் என்ற செய்தி விஸ்வாசம் படத்தின் போது தான் உறுதியானது. எனவே, சில வருடங்களுக்கு வேண்டுமானால் அஜித் இதுபோன்ற போனை பயன்படுத்தி இருக்கலாம்.
