தமிழில் பிக் பாஸ் நிகழ்ச்சியின் முதல் சீசன் முடிந்து தற்போது இரண்டாம் சீசனுக்காக அறிவிப்புகள் வந்து கொண்டிருக்கிறது. இந்த ஜூன் மாதம் பிக் பாஸ்-2 சீசனுக்காக அறிவிப்புகள் வெளியாகும். முதல் சீசனை எந்த தயக்கமும் இல்லாமல் உலகநாயகன் கமல்ஹாசன் தொகுத்து வழங்கினார். முதலில் இந்த நிகழ்ச்சிக்கு பல எதிர்ப்புகள் வந்தாலும் பின்னர் ஒரு வழியாக இந்த எதிர்ப்புகள் அடங்கிய பிறகு மக்களும் ரசிக்க துவங்கினர். மேலும், இரண்டாவது சீசன் எப்போது துவங்கும் என ஆவலுடன் எதிர்பார்த்து காத்திருக்கின்றனர்.
இந்த சீசனை தொகுத்து வழங்க இரண்டு பிரபல நடிகர்கள் தேர்வு செயப்பட்டுள்ளனர். ஒன்று, நடிகர் சூர்யா இன்னொன்று நடிகர் அரவிந்த்சாமி. இருவருமே இதற்கு முன்னர், நீங்களும் வெல்லலாம் ஒரு கோடி என்ற நிகழ்ச்சியை தொகுத்து வழங்கியவர்கள் என்பது குறிப்பிடத்தக்கது.
இந்த சீசனிலும் கண்டிப்பாக 10க்கும் மேற்பட்ட பிரபலங்கள் பங்கு கொள்வார்கள். அதேபோல் விஜய் டீவியின் சர்ச்சை தொகுப்பாளினி டிடி என்கிற திவ்யதர்ஷினியும் கலந்து கொள்வார் என தெரிகிறது.
