நேற்று (செப்டம்பர் 15) ஒளிபரப்பான நிகழ்ச்சியில் கமல், அகம் டிவி வழியே போட்டியாளர்களை சந்தித்து பேசிக்கொண்டிருந்தார். அப்போது சுஜா பேசுகையில் வரும் நவம்பர் மாதம் எனக்கு திருமணம் நடக்க போகிறது சார் என்று கூறுகிறார். ஆனால், சுஜா திருமணம் செய்துகொள்ளலும் நபரை பற்றி எதுவும் சொல்லவில்லை. அனால், அவர் திருமணம் செய்துகொள்ளபோகும் நபர் யார் என்ற விவரம் தெரியவந்துள்ளது.
தமிழில் 2008 ஆம் ஆண்டு வெளியான இயக்குனர் வெங்கடேஷ் இயக்கிய "சிங்கக்குட்டி" என்ற படத்தின் மூலம் சினிமாவில் அறிமுகமானவர் நடிகர் சிவாஜி தேவ், இவர் மறைந்த நடிகர் சிவாஜி கணேசனின் பேரனாவார் என்பதும் குறிப்பிடத்தக்கது . "சிங்கக்குட்டி" படத்திற்கு பின்னர் "புதுமுகங்கள் தேவை", "இதுவும் கடந்து போகும்" போன்ற தமிழ் படங்களில் நடித்துள்ளார். தற்போது சுஜா வருணி, சிவாஜி தேவ்வை காதலித்து வருகிறார் என்று சில தகவல்கள் ஏற்கனவே வெளியாகி இருந்தது.
அண்மையில் நடிகை சுஜா மற்றும் சிவாஜி தேவ் இருவரும் திருப்பதியில் எடுத்துக்கொண்ட புகைப்படம் ஒன்றை கூட நடிகை சுஜா தனது இன்ஸ்டாகிராம் பக்கத்தில் கூட பதிவிட்டிருந்தார். சுஜா நீண்ட வருடங்களாக சிவாஜி தேவை காதலித்து வருவதாக கூறப்பட்டு வந்த நிலையில், சமீபத்தில் இவர்கள் இருவருக்கும் நிச்சயதார்தம் கூட நடந்து முடிந்துவிட்டதாகவும் கூறப்பட்டது. இந்நிலையில் தான் தனது திருமண அறிவிப்பு குறித்து பிக் பாஸ் நிகழ்ச்சியில் தெரிவித்துள்ளார் நடிகை சுஜா.
