தமிழில் புது வித்தியாசமான முயற்சியில் விஜய் டிவி அறிமுகப்படுத்திய பிக் பாஸ் அல்டிமேட் நிகழ்ச்சி மூன்று வாரத்தை கடந்து உள்ளது. இந்தியில் இந்த பிக்பாஸ் நிகழ்ச்சி Ottயில் ஒளிபரப்பானது. தற்போது இதே கான்சப்டில் தமிழில் டிஸ்னி ஹாட் ஸ்டாரில் ஒளிபரப்பாகி வருகிறது. இந்த நிகழ்ச்சி டிவி ஷோ போல் ஒரு மணி நேரம் இல்லாமல் 24 மணி நேரமும் டிஸ்னி ஹாட்ஸ்டாரில் ஒளிபரப்பி வருகிறார்கள். இதில் பிக் பாஸ் சீசன் 1முதல் 5 வரையிலான போட்டியாளர்கள் கலந்துகொண்டு இருக்கின்றனர். கடந்த 2 சீசன்களை போல போட்டியாளர்கள் அனைவரும் கொரோனா தொற்று கட்டுப்பாடுகளுடன் போட்டியாளர்கள் இரண்டு தடுப்பூசி செலுத்தப்பட்டு தனிமைப்படத்தப்பட்ட பின்னரே பிக் பாஸ் வீட்டிற்குள் அனுப்பி பின்னரே என்பது குறிப்பிடத்தக்கது.
மேலும், இந்த நிகழ்ச்சியில் வனிதா, சினேகன், அபிராமி, சுஜா வருணி, அபிநய், அனிதா, பாலாஜி முருகதாஸ், தாடி பாலாஜி, சுருதி, தாமரை செல்வி, ஷாரிக், நிரூப், சுருதி, தாமரை, சுரேஷ் ஷாரிக், நிரூப் ஆகிய 14 பேர் கலந்து கொண்டனர். பிக்பாஸ் அல்டிமேட் நிகழ்ச்சி தொடங்கியதிலிருந்தே போட்டியாளர்களுக்குள் வன்மம் கலவரம் தொடங்கி விட்டது. இதனால் பயங்கரமாக ஒருவரை ஒருவர் தாக்கி பேசி வருகிறார்கள். அல்டிமேட் நிகழ்ச்சியில் முதல் நாளே போட்டியாளர்கள் நாமினேட் செய்யப்பட்டு இருந்தார்கள்.
பிக் பாஸ் அல்டிமேட் நிகழ்ச்சியில் எலிமினேட் ஆனவர்கள்:
அதில் முதலில் சுரேஷ் சக்கரவர்த்தி எலிமினேட் ஆகி இருக்கிறார். அதனை தொடர்ந்து இரண்டாம் வாரத்திற்கான எவிக்ஷனில் மக்களின் வாக்குகளின் அடிப்படையில் சுஜா வருணி வெளியேறி இருந்தார். பின் இதனை தொடர்ந்து மூன்றாவது வாரத்திற்கான நாமினேட் டாஸ்க் நடந்தது. அதில் டபுள் எவிக்ஷன் என்ற பெயரில் அபிநய் மற்றும் ஷாரிக் வெளியேறி இருந்தார்கள். கடந்த வாரம் பிக்பாஸ் அல்டிமேட் நிகழ்ச்சியிலிருந்து தொகுத்து வழங்கிய கமலஹாசன் பட சூட்டிங் நேரம் ஒதுக்க முடியாத காரணத்தினால் நிகழ்ச்சியில் இருந்து வெளியேறினார். இது குறித்து கமல்ஹாசன் அறிக்கை கூட வெளியிட்டிருந்தார்.
நிகழ்ச்சியில் இருந்து வெளியேறிய வனிதா:
இதனால் ரசிகர்களும் போட்டியாளர்களும் பெரும் அப்சட் அடைந்து உள்ளனர். அதோடு கமல் வெளியேறியதை தொடர்ந்து வனிதாவும் தான் இந்த நிகழ்ச்சியில் தொடர விரும்பவில்லை என்று கூறி இருந்தார். இதுகுறித்து தெரிவித்த அவர், நான் நிகழ்ச்சிக்கு வந்ததே கமலஹாசனுக்காக தான். அவர் எது சொன்னாலும் நான் கேட்டுகொள்வேன். அவர் இடத்தில் வேறு யார் வந்து சொன்னாலும் ஏற்றுக் கொள்ள மாட்டேன் என்றெல்லாம் பேசி இருந்தார். பின் வனிதா பிக் பாஸ் வீட்டை விட்டு தாமாகவே வெளியேறினார்.
வைல்ட் கார்ட் எண்ட்ரி பற்றிய தகவல்:
பின் தற்போது BB அல்டிமேட்டின் தொகுப்பாளராக சிம்பு தான் வரப்போகிறார் என்ற தகவல் வெளியாகி உள்ளது. அதுமட்டும் இல்லாமல் அதற்கான ப்ரோமோ எல்லாம் வெளியாகி உள்ளது. அதேபோல் இந்த வாரம் நடைபெற்ற நாமினேஷனின் இந்த வார கேப்டன் தாமரை மற்றும் இந்த வார ட்ரெண்டிங் பிளேயர் பாலாஜி முருகதாஸை தவிர மீதமுள்ள 8 பெரும் நாமினேட் ஆகி இருக்கின்றனர். இந்த நிலையில் பிக்பாஸ் அல்டிமேட் நிகழ்ச்சியின் முதல் வைல்ட் கார்ட் எண்ட்ரியாக நபர் ஒருவர் நுழைகிறார். அதுமட்டுமில்லாமல் சில வாரங்களுக்கு முன்பு வெளியேறிய சுரேஷ் சக்கரவர்த்தி மீண்டும் நிகழ்ச்சிகளுக்கு வர இருப்பதாக கூறப்படுகிறது.
நிகழ்ச்சிக்கு சிம்பு வருகை:
மேலும், கலக்கப்போவது யாரு நிகழ்ச்சி காமெடி சதீஸ் பிக் பாஸ் வீட்டுக்குள் செல்லலாம் என்று எதிர்பார்க்கப்படுகிறது. இந்த வாரத்திலிருந்து நடிகர் சிம்பு தான் நிகழ்ச்சியை தொகுத்து வழங்க இருக்கிறார். இதற்கான அதிகாரப்பூர்வ அறிவிப்பு வெளியாகியுள்ளது. அனைவரும் ரம்யா கிருஷ்ணன் வருவார் என்று எதிர்பார்க்கப்பட்ட நிலையில் சிம்பு வருவதால் ரசிகர்கள் பலரும் உற்சாகத்தில் உள்ளார்கள். இந்த வாரம் சிம்பு வருகை மற்றும் வைல்ட் கார்ட் எண்ட்ரி இருப்பதால் பல சர்பரைஸ்கள் ரசிகர்களுக்கு காத்து கொண்டு இருக்கிறது. சிம்பு வந்ததற்கு பிறகு நிகழ்ச்சி எப்படி சூடுபிடிக்க போகிறது என்பதை பொறுத்திருந்து பார்க்கலாம்.
