வைஷாலி தனிகா:
ராஜா ராணி' சீரியலின் வினோ கேரக்டர் எனக்குப் பயங்கர ரீச் கொடுத்துச்சு. அந்த சீரியலால் நிறைய ஃபேன்ஸ் கிடைச்சிருக்காங்க. ஒரு வருஷம் அதில் ஒர்க் பண்ணியிருக்கேன். கோ-ஆர்ட்டிஸ்ட் எல்லோருடனும் நான் பயங்கர குளோஸ். செட்டில் எப்பவும் துருதுருனு இருப்பேன். எல்லோரும் ஃபேமிலி மாதிரியே பழகுவோம். எனக்கு ஹெல்த் இஷ்யூ இருக்கிறதால் டாக்டர்ஸ் மூணு மாசம் ரெஸ்ட் எடுக்க சொல்லியிருக்காங்க. சீரியலில் என் கேரக்டருக்கு பிரேக் விடமுடியுமான்னு டைரக்டர்கிட்ட கேட்டேன். 'இல்லைம்மா, இந்த கதாபாத்திரம் தொடர்ந்து இருக்கணும்'னு சொல்லிட்டார். அதனால், சீரியலிலிருந்து விலகவேண்டியதாயிடுச்சு.
இது என் ரசிகர்களுக்கு மட்டுமின்றி, என்னோடு நடிக்கும் ஆர்ட்டிஸ்டுகளுக்கும் ஷாக்கிங்கா இருந்துச்சு. நான் யார்கிட்டேயும் சொல்லலை. 'ராஜா ராணி' டீமை ரொம்பவே மிஸ் பண்றேன். இன்ஸ்டாவில் போனாலே நிறைய பேர் திரும்பவும் வாங்கன்னு சொல்றாங்க. 'நீங்க நடிக்கலைன்னா, நாங்க அந்த சீரியலைப் பார்க்கமாட்டோம்'னு சிலர் சொல்றாங்க. அப்படியெல்லாம் பண்ணாதீங்க. அந்த கேரக்டரில் புதுசா வந்திருக்கிறவரும் சூப்பரா நடிப்பாங்க. அவங்களை சப்போர்ட் பண்ணுங்க. நடிக்கத் தெரியாத என்னையே டைரக்டர் நடிக்கவெச்சுட்டார். அவங்க ஏற்கெனவே நல்ல ஆர்ட்டிஸ்ட். அவங்களை நீங்க விரும்பும் வினோவாக டைரக்டர் கொண்டுவந்திருவார். மூணு மாசம் ரெஸ்ட்டுக்குப் பிறகு இதே சீரியலில் ரீ-என்ட்ரி கொடுப்பேனான்னு தெரியலை. ஆனால், சீரியல்களில் தொடர்ந்து நடிப்பேன். அதுவரை சோஷியல் மீடியாவில் பார்க்கலாம். அதுமட்டுமில்லீங்க... நான் நடிச்ச 'சீம ராஜா' படத்தையும் பார்த்துட்டு உங்க சப்போர்ட்டை எனக்குக் கொடுங்க. மிஸ் யூ ஆல்... மிஸ் யூ 'ராஜா ராணி'' டீம்!'
பவித்ரா:
ஆரம்பத்தில் என் முகத்துக்கு நெகட்டிவ் செட்டாகுமானு தயக்கமா இருந்துச்சு. என்னை நம்பி அந்தக் கதாபாத்திரத்தைக் கொடுத்த டைரக்டருக்காகவே, நல்லா நடிக்கணும்னு நினைச்சேன். அதேமாதிரி எல்லோரும் பாராட்டும் அளவுக்கு 'திவ்யா' கேரக்டர் பண்ணினேன். என்னுடன் பழகும் ஃப்ரண்ட்ஸ் கூட என் நடிப்பைப் பார்த்து ஆச்சர்யப்பட்டாங்க. அந்த அளவுக்கு 'ராஜா ராணி' எனக்கு முக்கியமான அங்கீகாரம் கொடுத்துச்சு.
அதிக ஆர்வத்துடன் ஒவ்வொரு சீனும் பார்த்துப்பார்த்து நடிச்சேன். ஆனால், இதே சேனலில் வேற ஒரு சீரியலில் உடனடியாக நடிக்கும் சூழல். அதனால், இதிலிருந்து விலகவேண்டியதாயிடுச்சுங்க. சீக்கிரமே வேற ஒரு சீரியலில் முக்கியமான கதாபாத்திரத்தில் என்னைப் பார்க்கலாம். அதுவரை மிஸ் யூ ஆல்!
இந்த இரண்டு கதாபாத்திரங்களும் ஒரே நேரத்தில் விலகியதால், சீரியலில் சின்ன வெற்றிடம் தோன்றியிருப்பது நிஜம்தான். ஆனால், புதிதாகக் களம் இறங்கியுள்ளவர்கள் அந்த வெற்றிடத்தைப் பூர்த்திசெய்வார்களா எனப் பார்க்கலாம்.
