விஜய் டிவியில் ஒளிபரப்பாகும் ‘சிறகடிக்க ஆசை’ சீரியலில் சிந்தாமணியின் தோழி, விஜயாவின் கழுத்தில் இருக்கும் செயினை பார்த்து, இது என்னுடைய திருட்டு போன செயின். உங்களிடம் எப்படி வந்தது? நீங்கள் தான் திருடினீர்களா? என்று கேட்டார். உடனே விஜயா, இது என்னுடைய கோடீஸ்வரி மருமகள் வாங்கி தந்தது என்றார். அதற்கு சிந்தாமணியின் தோழி, என்னுடைய செயினுக்கு பின் என்னுடைய கணவர் பெயர் இருக்கும் என்று சொன்னார். பின் அந்த செயினை வாங்கி பார்த்தார்கள். அதில் அவர் சொன்னது போல தான் இருந்தது. இதை பார்த்து விஜயா ஷாக் ஆனார். பின் விஜயா அசிங்கப்பட்டு கோபத்திலேயே வீட்டுக்கு வந்தார்.
அந்த சமயம் பார்த்து ரோகினி, விஜயாவிற்காக ஆன்லைனில் ஆர்டர் செய்த புடவையை கொடுத்தார். அதை பிரித்து பார்த்த விஜயா, இது எந்த கடையில் திருடினாய்? என்று ரோகினியை அடி வெளுத்து வாங்கி இருந்தார். அப்போது விஜயா, எனக்கு இவள் கொடுத்த செயின் திருட்டு நகை. எனக்கு இவள் பொய்காரி என்று நினைத்தேன். ஆனால், இவர் திருடின்னு இப்பதான் தெரிகிறது என்று சொன்னார். ரோகினிக்கு என்ன செய்வது என்றே புரியவில்லை. பின் அண்ணாமலை, இதை பற்றி ரோகினி இடம் கேட்டார். அதற்கு ரோகினி, நான் எனக்கு தெரிந்தவர் மூலம் வாங்கினேன். நான் நிஜமாகவே திருடவில்லை. என்னை நம்புங்கள் என்று ரொம்ப எமோஷனாக அழுதார். பின் வீட்டில் உள்ள எல்லோரும் ரோகினிக்கு அறிவுரை சொன்னார்கள்.
சிறகடிக்க ஆசை:
நேற்று எபிசோட்டில் மனோஜ், பணத்தை எப்படியாவது வாங்கிக் கொண்டு வா. அப்போதான் அம்மா உன் மீது கோபப்பட மாட்டார் என்று சொன்னார். உடனே கோபத்தில் ரோகினி, நீ எப்போதுமே எனக்கு சப்போர்ட் செய்ய மாட்டாயா? என்று மனோஜ் இடம் சண்டை போட்டார். அதற்கு மனோஜ், நீ செய்த காரியம் அப்படி இருக்கிறது என்று வாக்குவாதம் செய்தார். இன்னொரு பக்கம் சீதா யாருக்கும் தெரியாமல் திருமணம் செய்யப் போவது நினைத்து வருத்தப்பட்டு கொண்டிருந்தார். அதே போல் மீனாவும் முத்துவிற்கு தெரியாமல் திருமணம் செய்யப்போவதை நினைத்து வேதனை பட்டு கொண்டிருந்தார்.
நேற்று எபிசோட்:
மீனா தன்னுடைய தங்கையின் திருமணத்திற்கான மாலைகள் தயார் செய்து கிளம்பினார். அப்போது முத்து, எங்கு போகிறாய் என்று கேட்டார். மீனா, தெரிந்தவர் கல்யாணத்திற்கு மாலை கொடுக்கப் போகிறேன் என்று சொன்னார். பின் முத்து, அந்த மாலையை போட்டோ எடுத்துக் கொண்டார். பின் ரெஜிஸ்டர் ஆபீசில் சீதாவை பார்த்து மீனா ரொம்ப எமோஷனலாக பேசி இருந்தார். பின் திருமணத்திற்கான வேலைகள் எல்லாம் செய்தார்கள். இன்னொரு பக்கம் முருகன் ரெஜிஸ்டர் ஆபீஸ் வர சொல்லி முத்துவை அழைத்தார்.
இன்றைய எபிசோட்:
இந்நிலையில் இன்றைய எபிசோட்டில் ரிஜிஸ்டர் ஆபீசில் சீதா-அருணிற்கு நல்லபடியாக திருமணம் நடக்கிறது. இன்னொரு பக்கம் அதே ரிஜிஸ்டர் ஆபீஸ்க்கு முருகனுடன் முத்து வருகிறார். அப்போது முருகன், ரெஜிஸ்டர் மேரேஜருக்கு என்னென்ன தேவைகள் என்பதை எல்லாம் கேட்டுக் கொண்டிருக்கிறார். ஆனால், உள்ளே மீனா இருக்கும் விஷயம் முத்துவிற்கு தெரியவில்லை. பின் நல்லபடியாக திருமணம் முடிந்து சீதா, மீனா, அருண் மூவரும் வெளியே வருகிறார்கள். அந்த சமயம் பார்த்து முத்து வேறொரு ரூமிற்கு சென்று விடுகிறார். பின் அருண், சீதாவை அனுப்பி விடுகிறார். பர்ஸ் மறந்து வைத்ததால் மீனா உள்ளே வருகிறார். அப்போது முத்துவை பார்த்து மீனா ஷாக் ஆகிறார்.
சீரியல் ட்ராக்:
முத்து, இங்கே என்ன செய்கிறாய்? என்று கேட்கிறார். அதற்கு மீனா, நான் கல்யாணத்திற்கு மாலை கொடுக்க வந்தேன் என்று சொல்கிறார். பின் இருவருமே அங்கிருந்து கிளம்பி விடுகிறார்கள். இன்னொரு பக்கம் மீனாவின் அம்மா வீட்டில் சத்யா பாஸ் பண்ணதற்காக தடபுடலாக விருந்து ஏற்பாடு செய்திருக்கிறார் முத்து. எல்லோருமே முத்துவை பாராட்டி பேசிருந்தார்கள். இதனால் மீனாவின் அம்மாவிற்கு ரொம்ப சந்தோஷம். அப்போது வந்த முத்து, எல்லோருக்குமே விருந்து போட்டுக் கொண்டிருக்கிறார். அப்போது ஒருவர், சீக்கிரமாகவே சீதா கல்யாண விருந்து போட வேண்டும் என்று சொல்கிறார். முத்து, சீக்கிரமாக சீதாவிற்கு கல்யாணம் ஏற்பாடு செய்கிறேன் என்று சொல்கிறார். இதைக் கேட்டு மீனா- சீதா இருவரும் பயப்படுகிறார்கள். இத்துடன் சீரியல் முடிகிறது.
