விஜயாவுக்காக ரோகினி வாங்கி தந்த கிப்ட், சீதா காதலனை சந்திக்க போகும் முத்து, சிறகடிக்க ஆசை

விஜய் டிவியில் ஒளிபரப்பாகும் ‘சிறகடிக்க ஆசை’ சீரியலில் போலீஸ் அதிகாரி, உண்மையிலேயே அந்த வண்டியில் பிரேக் பிடிக்கவில்லை. மெக்கானிக் ஒருவர் தான் என்னை காப்பாற்றி வண்டியையும் சரி செய்தார். இந்த விஷயத்தை நான் அருணிடம் சொன்னேன். அவர்தான் சொல்ல வேண்டாம் என்றார். இதனால் உயர் அதிகாரி அருண் மீது கோபப்பட்டு ஒரு வாரம் சஸ்பெண்ட் செய்து விட்டார். அதற்குப்பின் முத்துவை விடுதலை செய்து அறிவுரை சொல்லி அனுப்பி இருந்தார்கள். அதோடு மீனா தனக்காக கஷ்டப்பட்டதை நினைத்து முத்து சந்தோசப்பட்டார்.

பின் வீட்டிற்கு வந்த முத்து, போலீஸ் ஸ்டேஷனில் நடந்த விஷயத்தை எல்லோரிடமும் சொன்னார். அதற்குப்பின் முத்து தானாக பிரேக் பிடிக்காமல் போகவில்லை. இந்த வீட்டில் இருந்து தான் யாரோ ஒருவர் என்னுடைய வண்டி சாவியை எடுத்துக் கொடுத்திருக்கிறார் என்று மனோஜை பார்த்தார். மனோஜ், நான் எதுவும் செய்ய வில்லை என்று உடன் ரோகினி பக்கம் திரும்புகிறார் முத்து. உடனே ரோகினி, எதற்கு என் மீது வீண் பழி போடுகிறீர்கள். இவர் மாட்டி வைத்த சாவியை நான் கொண்டு போய் கொடுத்தேனா? என்று கேட்டார். அதற்கு முத்து, நான் மாட்டி வைத்தேன் என்று சொல்லவே இல்லையே என்பதால் ரோகிணி திருத்திரு என்று விழித்தார்.

சிறகடிக்க ஆசை:

நேற்று எபிசோட்டில் முத்து, இந்த வேலையை செய்தது யார் என்று நான் கண்டுபிடிக்கிறேன் என்று சொன்னார். அதற்குப்பின் நீத்து, தன்னுடைய ரெஸ்டாரண்டுக்கு நல்ல வரவேற்பு கிடைத்திருப்பதால் ரொம்ப சந்தோஷமாக இருந்தார். பின் இதைப்பற்றி இவர் சுருதியிடம் சொன்னார். உடனே ஸ்ருதி, இதற்கெல்லாம் ரவியும் தான் காரணம் என்றவுடன் நீத்து ஒத்து கொள்ளவில்லை. என்னுடைய பிரமோஷன் தான் இவ்வளவு பிரபலத்திற்கு காரணம் என்றார். இதனால் நீத்து-சுருதி இருவருக்கும் இடையே வாக்குவாதம் அதிகமானது. அப்போது வந்த ரவி, இது ஒரு பெரிய விஷயம் இல்லை. இதற்காக எதற்கு சரி வாக்குவாதம் செய்கிறாய் என்று கேட்டார். ஆனால், சுருதி கோபப்பட்டு ரவியை தீட்டிவிட்டு இந்த வேலையே தேவையில்லை என்று வந்து விட்டார்.

நேற்று எபிசோட்:

இன்னொரு பக்கம் ரோகினி, முருகனிடம் பணத்தை வாங்கிக் கொண்டு சிட்டி இடம் நகை வாங்கப் போனார். அங்கு சிட்டி பணத்தை வாங்கிவிட்டு நகையை கொடுக்க, ரோகினியும் அங்கிருந்து கிளம்பி விட்டார். அதற்கு பின் வந்த மேனேஜரிடம் சிட்டி கொஞ்சம் பணத்தை கொடுத்துவிட்டு, சொன்ன உடனே எப்படி பணம் வந்தது பார்த்தியா? என்று நக்கலாக சிரித்தார். இரண்டு பேரும் ரோகினி இடம் இன்னும் பணத்தை வாங்க திட்டம் போட்டார்கள். இன்னொரு பக்கம் சுருதி, ரவியை வேலைக்கு போக வேண்டாம் என்று சண்டை போட்டார். அப்போது சுருதி, நாம் சொந்தமாக ரெஸ்டாரன்ட் திறக்கலாம் என்றவுடன் ரவி இப்போது முடியாது என்று இருவரும் சண்டை போட்டார்கள்.

இன்றைய எபிசோட்:

இந்நிலையில் இன்றைய எபிசோட்டில் சுருதி, எவ்வளவு சொல்லியும் கேட்காமல் ரவி வேலைக்கு கிளம்புகிறார். ஆனால், விடாமல் சுருதி வாக்குவாதம் செய்கிறார். அப்போது வீட்டிற்கு வருகிற ரோகினி, சிட்டியிடம் வாங்கிய நகையை விஜயாவிடம் கொடுக்கிறார். ஆனால், விஜயா நகையை வாங்கவே இல்லை.
பின் மனோஜ்- ரோகினி இருவருமே விஜயாவிடம் நகையை எடுத்துக்க சொல்லி கேட்கிறார்கள். அதற்கு விஜயா, ரோகினியை திட்டி கொண்டு தான் இருக்கிறார். இன்னொரு பக்கம் சுருதி- ரவி இருவருமே நகையை விஜயா எடுப்பாரா? இல்லையா? என்பதை பந்தயம் வைத்துக் கொண்டிருக்கிறார்கள். அந்த சமயம் பார்த்து வீட்டிற்கு வந்த முத்து, நகை யாருக்கும் வேண்டாம் என்றால் நான் எடுத்துக் கொள்கிறேன் என்று சொன்னவுடன் விஜயா, அது எனக்கு வாங்கிய நகை என்று புடுங்கி எடுத்துக் கொண்டு உள்ளே போகிறார்.

சீரியல் ட்ராக்:

கடைசியில் அந்த பந்தயத்தில் சுருதிதான் வெற்றி பெற்றார். இன்னொரு பக்கம் சீதா, அருண் வீட்டிற்கு சென்றிருக்கிறார். அப்போது அருண், சஸ்பெண்ட் ஆன விஷயத்தை சொன்னவுடன், சீதா ஆறுதல் சொல்கிறார். அது மட்டும் இல்லாமல் எங்கள் வீட்டில் நம் காதலை சொல்லிவிடலாம் என்று சீதா சொல்வதால் அருண் சந்தோசப்படுகிறார். பின் சீதா இதைப்பற்றி மீனாவிடம் சொல்கிறார். மீனாவும் அருணை சந்திக்க ஒத்து கொள்கிறார். பின் வீட்டிற்கு வந்த மீனா, முத்துமிடம் சீதா காதலிக்கும் விஷயத்தை சொல்கிறார். இத்துடன் சீரியல் முடிகிறது.