கடந்த இரண்டு நாட்களாக #Pray_for_Neasamani ஹேஷ் டேக் தான் சமூக வலைதளத்தில் டிரண்டிங்கில் இருந்து வருகிறது. மேலும் , வைகைப்புயல் வடிவேலு புகைப்படத்தை பயன்படுத்தி பல்வேறு மீம்கள் சமூக வலைதளத்தில் படு வைரலாக பரவி வருகிறது. திடீர் என்று வைகைபுயல் வடிவேலு எப்படி ட்விட்டரில் ட்ரெண்டிங்கில் வந்தார் என்பது பலருக்கும் ஒரு அச்சாரமாக இருந்தது.
2000 ஆம் ஆண்டு வெளிவந்த ப்ரெண்ட்ஸ் படத்தில் இடம்பெற்ற இந்த காட்சிக்கு சிரிக்காமல் அவ்வளவு எளிதில் கடந்து சென்று விட முடியாது. நம்ம பெயின்டிங் கான்ட்ராக்டர் நேசமணியும், அவரது லேபர்ஸ்-ம் அள்ளித்தெளித்த நகைச்சுவை காட்சிகளை நம்மால் மறக்கவே முடியாது.
பிரெண்ட்ஸ் படத்தின் நகைச்சுவை காட்சி 19 ஆண்டுகள் கழித்து Pray_for_Neasamani என்னும் ஹேஷ்டேக் மூலம் உலகளவில் ட்ரெண்டாகி வருகிறது. அதற்கான காரணம் என்ன என்பதை வடிவேலு பாணியில் ஆழமாக போயி அலசி பார்க்கையில் பல திடுக்கிடும் தகவல்கள் வெளிவந்துள்ளன.
ஆனால் , இந்த நகைச்சுவை திடீரென்று எப்படி ட்ரெண்ட் ஆனது எப்படி தெரியுமா? பாகிஸ்தானில் இருந்து இயங்கும் `Civil Engineering Learners’ என்ற முகநூல் பக்கத்தில் சுத்தியலின் படம் ஒன்றை போட்டு, இதனை உங்கள் ஊரில் என்னவென்று அழைப்பார்கள் என கேட்க, விக்னேஷ் என்பவர், `இதன் பெயர் சுத்தியல், பெயின்டிங் கான்ட்ராக்டர் நேசமணி தலையை இந்த சுத்தியல்தான் பதம் பார்த்தது என கோக்குமாக்காக கமெண்ட் இட, Pray_for_Neasamani ஹேஷ்டேக் உருவானது.
இந்த பதிவிவை அடுத்து மீம்ஸ் கிரியேட்டர்கள் கோதாவில் இறங்கி, பிரேக்கிங் நியூஸ், டெம்ப்ளேட் வீடியோ என பலவிதமாக மீம்ஸ்களை வெளியிட தொடங்கினர். இதையடுத்து பேஸ்புக்கில் வைரலான நேசமணி தற்போது ட்விட்டரில் உலக அளவில் ட்ரெண்டாகி ‘ஓவர் நைட்டில் ஒபாமா’ ஆகிவிட்டார்.