பிரபல தெலுங்கு நடிகர் கோட்டா சீனிவாச ராவ் தள்ளாடிய நிலையில் வாக்களிக்க சென்று இருக்கும் வீடியோ தான் தற்போது சோசியல் மீடியாவில் வைரலாகி வருகிறது. தமிழ் சினிமா உலகில் மிகப் பிரபலமான வில்லனாக திகழ்ந்தவர் நடிகர் கோட்டா சீனிவாச ராவ். இவர் ஆந்திர பிரதேசத்தை சேர்ந்தவர். இவர் நடிகர் மட்டும் இல்லாமல் பாடகரும் ஆவார். இவர் 1978 ஆம் ஆண்டு தெலுங்கில் வெளிவந்த பிராணம் கீரகிடு என்ற படத்தின் மூலம் தான் சினிமாவுலகில் அறிமுகமாகி இருந்தார்.
அதனை தொடர்ந்து இவர் பல தெலுங்கு படங்களில் வில்லனாக மாஸ் காட்டி இருக்கிறார். அதன் பின் இவர் ஹிந்தி மொழியில் நடிக்க தொடங்கினார். இவருடைய நடிப்பு எந்த அளவிற்கு பிரபலமோ அதே போல் இவருடைய சிரிப்பும் மக்கள் மத்தியில் பிரபலம் என்று சொல்லலாம். இவர் தமிழில் 2003 ஆம் ஆண்டு விக்ரம் நடிப்பில் வெளியாகியிருந்த சாமி என்ற படத்தின் மூலம் தான் அறிமுகமாகி இருந்தார்.
கோட்டா சீனிவாச ராவ் குறித்த தகவல்:
இந்த படத்தில் இவருடைய பெருமாள் பிச்சை என்ற கதாபாத்திரம் இன்றும் ரசிகர்கள் மத்தியில் கொண்டாடப்பட்டு தான் வருகிறது. இதைத் தொடர்ந்து இவர் தமிழில் குத்து, ஜோர், ஏய், திருப்பாச்சி, ஜெயசூர்யா, பரமசிவன், கொக்கி, சாதுமிரண்டா, சத்தியம், தனம், பெருமாள், லாடம், ஜகன்மோகினி, கோ, சகுனி, தாண்டவம், ஆல் இன் ஆல் அழகுராஜா, மரகத நாணயம் போன்ற பல படங்களில் வில்லனாக மட்டுமில்லாமல் காமெடி கதாபாத்திரங்களும் நடித்திருக்கிறார்.
View this post on Instagram
கோட்டா சீனிவாச ராவ் திரைப்பயணம்:
மேலும், இவருக்கென்றே ஒரு தனி ரசிகர் பட்டாளம் உருவானது. அது மட்டும் இல்லாமல் இவர் தமிழ் மொழியில் மட்டுமில்லாமல் தெலுங்கு, மலையாளம், கன்னடம், இந்தி போன்ற பிற மொழி படங்களிலும் நடித்திருக்கிறார். இவர் என்பது காலகட்டம் தொடங்கி தற்போது வரை படங்களில் நடித்து வருகிறார். அது மட்டும் இல்லாமல் இவர் அரசியலிலும் கவனம் செலுத்தி வருகிறார்.
கோட்டா சீனிவாச ராவ் அரசியல்:
அந்த வகையில் இவர் 1999 ஆம் ஆண்டு முதல் 2004 ஆம் ஆண்டு வரை ஆந்திர மாநில சட்டமன்ற உதவி உறுப்பினராக பதவி வகித்திருந்தார். மேலும் இவருடைய கலை சேவையை பாராட்டி மத்திய அரசு 2015 ஆம் ஆண்டிற்கு பத்மபூஷன் விருது கூட வழங்கி இருந்தது. இந்நிலையில் மக்களவை மற்றும் சட்டமன்ற தேர்தலுக்கான வாக்குப்பதிவு ஆந்திர மாநிலத்தில் நடைபெற்றது.
https://twitter.com/naralokesh/status/1638142716772233216
கோட்டா சீனிவாச ராவ் வீடியோ:
இதில் பொதுமக்கள் மட்டும் இல்லாமல் திரைபிரபலங்கள் பலருமே வாக்களித்து இருக்கிறார்கள். அந்த வகையில் நடிகர் கோட்டா சீனிவாசராவும் வாக்களிக்க வாக்கு சாவடிக்கு வந்து இருக்கிறார். இவர் வயது மூப்பின் காரணமாக தள்ளாடிய நிலையில் ஒருவரை தாங்கப் பிடித்துக் கொண்டு வாக்களிக்க வந்திருக்கிறார். தற்போது இவருடைய இந்த வீடியோ தான் வைரலாகி வருகிறது.
