பிரம்மாண்டமாக நடக்கும் அம்பானி வீட்டு திருமணத்தில் சூப்பர் ஸ்டார் ரஜினிகாந்த் நடனம் ஆடி இருக்கும் வீடியோ தான் தற்போது இணையத்தில் வருகிறது. உலக அளவில் மிக பிரபலமான பணக்காரர்களில் ஒருவராக இருப்பவர் முகேஷ் அம்பானி. இவர் இந்தியாவில் பிரபலமான தொழிலதிபர் ஆவார். இவர் நீடா என்பவரை திருமணம் செய்து கொண்டார். இவர்களுக்கு மூன்று பிள்ளைகள் இருக்கிறார்கள். அதில் ஆகாஷ், நிஷா ஆகியோருக்கு ஏற்கனவே திருமணம் ஆகிவிட்டது.
தற்போது முகேஷ் அம்பானியின் இளைய மகன் ஆனந்த் அம்பானிக்கு தான் திருமணம் கொண்டாட்டங்கள் நடைபெற்று வருகிறது. தொழிலதிபர் வீரேன் மெர்சென்ட்டின் மகள், ராதிகா மெர்ச்சன்ட் என்பவர் தான் ஆனந்த் திருமணம் செய்து இருக்கிறார். கடந்த ஆண்டு இவர்களுடைய நிச்சயதார்த்த பிரம்மாண்டமாக நடைபெற்று இருந்தது. பின் திருமணத்திற்கு முந்தையாக நடைபெற இருக்கும் விழாக்கள் நடந்திருக்கிறது. அந்த வகையில் கடந்த மார்ச் மாதம் குஜராத்தில் உள்ள ஜாம் நகரில் தான் திருமண விழா தொடங்கியது.
முகேஷ் அம்பானி திருமணம்:
இதில் இதுவரை இல்லாத அளவுக்கு நூற்றுக்கணக்கான உணவுகள், கலை நிகழ்ச்சி என கோலாகலமாக நடைபெற்றது. உலகம் முழுவதிலும் உள்ள ஏராளமான பிரபலங்கள் இந்த நிகழ்ச்சியில் கலந்து கொண்டிருந்தார்கள். அதேபோல் இந்தியாவில் பாலிவுட் தொடங்கி கோலிவுட் வரை உள்ள ஷாருக்கான், சல்மான் கான், அக்ஷய் குமார், ரன்பீர் கபூர், வருண், ரஜினிகாந்த் உள்ளிட்ட பல பிரபலங்கள் இந்நிகழ்ச்சியில் கலந்து கொண்டனர்.
திருமணம் நிகழ்வுகள்:
மேலும், ஜாம்நகர் தொடர்ந்து வெளிநாடுகளிலும் திருமண நிகழ்ச்சிகள் நடைபெற்றது. இந்நிலையில் நேற்று வெள்ளிக்கிழமை ராதிகா- ஆனந்த் திருமணம் பிரம்மாண்டமான முறையில் நடைபெற்றது. இரண்டு நாட்களுக்கு முன்பே சங்கீத் நிகழ்ச்சி தொடங்கப்பட்டது. இதில் பாலிவுட் பிரபலங்கள் கலந்து கொண்டிருந்தார்கள். அதற்குப்பின் மெஹந்தி விழாவும் கோலாகலமாக நடைபெற்றது. அது மட்டும் இல்லாமல் அம்பானி வீட்டு திருமணத்திற்கு உலகம் முழுவதிலும் உள்ள பிரபலங்கள் வந்து கொண்டாடினார்கள்.
பிரபலங்களின் பங்கேற்பு:
இவர்கள் தங்குவதற்கு 5 நட்சத்திர ஹோட்டல்களையும் ஏற்பாடு செய்து கொடுக்கப்பட்டது. மேலும், ஜூலை 12ஆம் தேதியிலிருந்து 15 ஆம் தேதி வரை திருமண கொண்டாட்டங்கள் நடைபெற இருக்கிறது. நேற்று நடந்த திருமண விழாவில் சூர்யா-ஜோதிகா, பிரித்விராஜ், ஐஸ்வர்யா ராய், விக்னேஷ் சிவன்- நயன்தாரா, இயக்குனர் அட்லி, ஏ .ஆர். ரஹ்மான் என பல பிரபலங்கள் கலந்து கொண்டனர். இந்நிலையில் பிரம்மாண்டமாக நடந்த திருமண விழாவில் சூப்பர் ஸ்டார் ரஜினிகாந்த் அவர்களும் தன் குடும்பத்துடன் பங்கு பெற்றார்.
ரஜினியின் ஆட்டம்:
திருமணத்தில் ரஜினிகாந்த் தனது மனைவி லதா ரஜினிகாந்த், இளைய மகள் சௌந்தர்யா, மருமகன், பேருனுடன் கலந்து கொண்டார். மும்பையில் நடைபெற்ற ஆனந்த் அம்பானி திருமண நிகழ்வில் பங்கேற்ற சூப்பர் ஸ்டார் ரஜினிகாந்த், உற்சாகத்தில் நடனமாடி இருக்கிறார். மணமகன் ஆனந்த் அம்பானியுடன் ரஜினிகாந்த் ஆடி இருக்கும் வீடியோ தான் இணையத்தில் வைரலாக்கப்பட்டு வருகிறது. தற்போது சூப்பர் ஸ்டார் ரஜினிகாந்த் அவர்கள் ‘வேட்டையன்’ படத்தில் நடித்த முடித்த நிலையில், லோகேஷ் கனகராஜ் இயக்கத்தில் ‘கூலி’ படத்தில் நடித்து வருகிறார்.
