ஆக்ஷன் திரில்லர் படமாக உருவான இந்த படத்தில் வில்லன் நடிகராக நடித்திருந்த கிறிஸ்டோபர் என்ற கதாபாத்திரம் ரசிகர் மத்தியில் மறக்க முடியாத ஒரு தடத்தை ஏற்படுத்தி இருந்தது. பலரும் அந்த கிறிஸ்டோபர் யார் என்று இணையத்தளத்தில் தேடிக்கொண்டு இருந்தனர்.
சமீபத்தில் ராட்சசன் படத்தின் 25 வது நாள் வெற்றி விழா சென்னையில் நடைபெற்றது. இந்த விழாவில் கிறிஸ்டோபர் கதாபாத்திரத்தில் நடித்திருந்த சரவணன் என்பவரை அறிமுகம் செய்து வைத்தனர். ஆனால், ராட்சசன் படத்தில் சிறு வயது கிறிஸ்டோபராக நடித்தவர் யார் என்ற தகவலும் தற்போது கிடைக்கப்பெற்றுள்ளது.
அவருடைய பெயர் யாசர்,சேலத்தை சேர்ந்த பகுதி நேரத்தில் வேலை செய்துகொண்டே சென்னையில் தனது படிப்பை முடித்துள்ளார். எந்த வித சினிமா பின்பலமும் இல்லாதா இவர் மை டியர் பூதம் என்ற தொடரிலும் நடித்துள்ளார். ராட்சசன் படத்தில் உதவி இயக்குனராக இருந்த சலீம் என்பவர் மூலம் ராட்சசன் படத்தில் இவருக்கு வாய்ப்பு கிடைத்துள்ளது.
