
காமராஜர் காலை உணவுத் திட்டம் 6 முதல் 8-ம் வகுப்பு மாணவர்களுக்கும் விரிவுபடுத்தப்படுகிறது. இதற்கான தொடக்க விழா சென்னை திருவான்மியூரில் செப்டம்பர் 22-ம் தேதி நடைபெறுகிறது. முதலமைச்சர் விஜய் திட்டத்தை தொடங்கி வைக்கிறார். விரிவாக்கத்தின் மூலம் 15,454 அரசு மற்றும் அரசு உதவிபெறும் பள்ளிகளில் சுமார் 15.30 லட்சம் மாணவர்கள் கூடுதலாக பயன்பெற உள்ளனர்.

மதுரையில் நடைபெற்ற நிகழ்ச்சியில் ஹிப் ஹாப் தமிழா ஆதி, இளைஞர்கள் அரசியல் பேசுவது தவறில்லை என்றும், அரசியல் என்பது அனைவரின் அன்றாட வாழ்க்கையுடனும் தொடர்புடையது என்றும் தெரிவித்துள்ளார்.

கல்லூரி நிகழ்ச்சியில் பேசிய சபாநாயகர் ஜேசிடி பிரபாகர், முதலமைச்சர் மூன்று முறை அந்தக் கல்லூரிக்கு வந்ததையும், ஒவ்வொரு முறையும் முக்கிய அறிவிப்புகளை வெளியிட்டதையும் நினைவுகூர்ந்தார். மேலும், “கப்பு முக்கியம் பிகிலு” நிகழ்வு நடைபெற்ற இடம் இதுதான் என்றும், முதல்வரின் வெளிப்படையான நிர்வாக அணுகுமுறை மற்றும் ஊழலற்ற ஆட்சிக்கான நோக்கம் குறித்தும் பேசினார்.

ரஜினிகாந்தை வைத்து இயக்கவிருந்த திரைப்படம் கைவிடப்பட்டதால் வேதனை அடைந்த இயக்குநர் சிபி சக்கரவர்த்திக்கு, இயக்குநர் அட்லீ தொலைபேசியில் அழைத்து நம்பிக்கை அளித்துள்ளார். “நீ ஒரு வெற்றிப்பட இயக்குநர், மனம் தளராதே” என்ற அட்லீயின் வார்த்தைகள் தன்னை மீண்டும் எழுச்சி பெறச் செய்ததாக சிபி சக்கரவர்த்தி தெரிவித்துள்ளார். மேலும், அட்லீ பெருமைப்படும் வகையில் தனது அடுத்த படத்தை உருவாக்குவேன் என்றும் கூறியுள்ளார்.

‘சிக்மா’ படத்தின் இசை வெளியீட்டு விழாவில் நடிகர் சூரி நெகிழ்ச்சியுடன் பேசியுள்ளார். படத்தின் கதையை இயக்குநர் இரண்டரை மணி நேரம் விவரித்தபோது, அப்படியே விஜய் அண்ணாவைப் பார்த்தது போன்ற உணர்வு ஏற்பட்டதாக சூரி தெரிவித்துள்ளார். அவரது இந்தப் பேச்சு ரசிகர்கள் மத்தியில் கவனம் பெற்றுள்ளது.

‘பத்தா’ திரைப்படத்தின் இசை வெளியீட்டு விழாவில் விஜய் சேதுபதி, நடிகர் விஜய் மற்றும் அவரது மகன் ஜேசன் சஞ்சய் குறித்து பேசியுள்ளார். சஞ்சய்க்கு பிறந்தநாள் வாழ்த்து தெரிவித்தபோது விஜய் தொலைபேசியில் அழைத்து நன்றி கூறியதாகவும், விஜய் மிகப்பெரிய சூப்பர் ஸ்டார் என்பதால் அவரது அழைப்பு தனக்கு எதிர்பாராததாக இருந்ததாகவும் விஜய் சேதுபதி தெரிவித்துள்ளார்.