டிஆர்பி ரேட்டிங்கில் டாப் 5ல் இருக்கும் சீரியல்களின் பட்டியல் தான் தற்போது இணையத்தில் வைரலாகி வருகிறது. சமீப காலமாக சிறுவர்கள் முதல் பெரியவர்கள் வரை என அனைவரும் சின்னத்திரை பக்கம் வந்து விட்டார்கள். அதிலும் தமிழ் டிவி சேனல்கள் அனைத்திலும் எண்ணற்ற பொழுதுபோக்கு நிகழ்ச்சிகள் ஒளிபரப்பாகி வருகிறது. குறிப்பாக, ஒவ்வொரு சேனலும் புது புது சீரியல்கள் வித்தியாசமான கதைக்களத்துடன் ஒளிபரப்பி வருகிறார்கள்.
கிட்டத்தட்ட 21 வருடங்களுக்கும் மேலாக சீரியல்கள் எல்லாம் மக்களை கவர்ந்து வைத்துள்ளது. வாரத்தின் முதல் நாள் திங்கள் முதல் சனிக்கிழமை வரை நாள்தோறும் காலையில் தொடங்கி தூங்கும் வரை சீரியல்கள் வரிசைகட்டி டிவியில் டெலிகாஸ்ட் செய்யப்பட்டு வருகிறது. மேலும், சீரியல்கள் ஒளிபரப்பாகி வரும் பிரபலமான முன்னணி சேனல்களாக சன் டிவி மற்றும் விஜய் டிவி திகழ்கிறது. எப்போதும் இந்த இரு சேனல்களுக்கு இடையே தான் கடும் போட்டி நிலவி வருகிறது.
சீரியல் டிஆர்பி:
அதோடு டிஆர்பி ரேட்டிங்கில் கூட இந்த சேனல்களின் சீரியல்கள் தான் மாற்றி மாற்றி இடம் பிடிக்கிறது. அந்த வகையில் இந்த 2024 ஆம் ஆண்டின் ஜூலை முதல் வாரத்தில் டாப் 5ல் இடத்தை பிடித்திருக்கும் சீரியல்கள் பட்டியல் தான் தற்போது வெளியாகியிருக்கிறது. அந்த பட்டியல் இதோ,
சிங்க பெண்ணே சீரியல்:
கடந்த வாரம் இரண்டாம் இடத்தை பிடித்த ‘சிங்க பெண்ணே’ சீரியல் இந்த வாரம் முதல் இடத்தை பெற்றது. குடும்ப சூழ்நிலைக்காக கிராமத்திலிருந்து சென்னைக்கு வந்து கார்மெண்ட்ஸ்சில் வேலைக்கு கிராமத்திலிருந்து இருக்கிறார் ஆனந்தி. இவருடன் சில பேர் வேலை செய்கிறார்கள். அங்கு அவர்கள் தைரியமாக எதிர்கொள்ளும் பிரச்சனைகளை மையமாக வைத்து தான் சீரியல் ஒளிபரப்பாகி வருகிறது. மேலும், சீரியல் பரபரப்பான கட்டங்களுடன் சீரியல் சென்று கொண்டிருக்கின்றது. இந்த சீரியல் 9.29 புள்ளிகளுடன் முதல் இடத்தை பிடித்து இருக்கிறது.
கயல்:
எதிர்பார்க்காத வகையில் சில வாரங்களாகவே முதல் இடத்தை பிடித்த ‘கயல்’ சீரியல் இந்த வாரம் 9.23 புள்ளிகளை பெற்று இரண்டாம் இடத்தை பிடித்து இருக்கிறது. இந்த தொடர் 2021 ஆம் ஆண்டு முதல் சன் டிவியில் ஒளிபரப்பாகி வருகிறது. இதில் சைத்ரா ரெட்டி கதாநாயகியாகவும், கதாநாயகனாக சஞ்சீவ் நடித்து வருகிறார்கள். தன் குடும்பத்திற்காக எல்லா சந்தோசத்தையும் இழந்து போராடும் ஒரு பெண்ணின் கதை தான் கயல் சீரியல்.
மருமகள்:
சன் தொலைக்காட்சியில் சமீபத்தில் ஒளிபரப்பட்ட சீரியல் தான் ‘மருமகள்’. இந்த சீரியலில் கேப்ரியல்லா நாயகியாகவும், ‘கண்ணான கண்ணே’ நடிகர் ராகுல் ரவி ஹீரோவாகவும் நடிக்கிறார்கள். கடந்த வாரம் நான்காம் இடத்தை பிடித்த இந்த தொடர் 8.12 புள்ளிகளை பெற்று இந்த வாரம் மூன்றாம் இடத்தை பிடித்து இருக்கிறது.
வானத்தைப்போல:
கடந்த வாரம் மூன்றாம் இடத்தில் இருந்த ‘வானத்தைப்போல’ சீரியல் 8 புள்ளிகளுடன் இந்த வாரம் நான்காம் இடத்தை பிடித்திருக்கிறது. இந்த சீரியல் 2020 ஆம் ஆண்டு முதல் சன் தொலைக்காட்சியில் ஒளிபரப்பாகி வருகிறது. இது முழுக்க முழுக்க அண்ணன்- தங்கை பாச கதை. இந்த தொடரில் ஸ்ரீகுமார், மான்யா முதன்மை கதாபாத்திரத்தில் நடித்து வருகிறார்கள்.
சிறகடிக்க ஆசை:
விஜய் டிவியில் ஒளிபரப்பாகி வரும் சீரியல்களில் ‘சிறகடிக்க ஆசை’ தான் டாப்பில் இருக்கிறது. இந்த சீரியல் 7.94 புள்ளிகளைப் பெற்று ஐந்தாம் இடத்தில் இருக்கிறது. சீரியலில் முத்து, மீனா இருவரின் வாழ்க்கையில் நடக்கும் யதார்த்த கதையை மையமாக வைத்து தான் ஒளிபரப்பி வருகிறார்கள். இந்த தொடர் நாளுக்கு நாள் விறுவிறுப்புக்கு பஞ்சமில்லாமல் சென்று கொண்டிருக்கின்றது.
