'கோட்' படம் எடுப்பதற்கு முன்பு, நடிகர் விஜய் இயக்குனர் வெங்கட் பிரபுவுக்கு கொடுத்த அட்வைஸ் தான் சோசியல் மீடியாவில் வைரலாகி வருகிறது. தமிழ் சினிமா உலகில் என்றென்றும் தளபதியாக திகழ்ந்து கொண்டிருப்பவர் விஜய். இவர் நடிப்பில் வெளியாகும் அனைத்து படங்களும் மக்கள் மத்தியில் நல்ல வரவேற்பை பெற்றது மட்டுமில்லாமல் வசூல் சாதனையும் செய்து வருகிறது. அந்த வகையில் இறுதியாக லோகேஷ் கனகராஜ்- விஜய் கூட்டணியில் வெளியாகி இருந்த 'லியோ' படம் உலக அளவில் மிகப்பெரிய வசூல் சாதனை படைத்திருந்தது.
தற்போது நடிகர் விஜய், இயக்குனர் வெங்கட் பிரபு இயக்கியுள்ள 'கோட்' திரைப்படத்தில் நடித்துள்ளார். நீண்ட இடைவெளிக்குப் பின் யுவன் சங்கர் ராஜா இந்த படத்திற்கு இசையமைத்திருக்கிறார். இந்த படத்தில் விஜய்க்கு ஜோடியாக மீனாட்சி சவுத்ரி நடித்துள்ளார். மேலும் பிரசாந்த், பிரபுதேவா, அஜ்மல், சினேகா, லைலா என பெரிய நட்சத்திர பட்டாளமே இந்த கூட்டத்தில் நடித்துள்ளார்கள்.
கோட் படம்:
மேலும் சென்னை, திருவனந்தபுரம், ஹைதராபாத், தாய்லாந்து, ரஷ்யா, அமெரிக்கா போன்ற பல இடங்களில் இந்த படத்தினுடைய சூட்டிங் நடந்ததாக கூறப்படுகிறது. சமீபத்தில் கோட் படத்தின் பாடல்கள் வெளியாகி இணையத்தில் வைரலாகி இருந்தது. கடந்த ஏப்ரல் மாதம் 14ஆம் தேதி கோட் படத்தினுடைய முதல் பாடலான 'விசில் போடு' வெளியாகி ரசிகர்கள் மத்தியில் நல்ல வரவேற்பை பெற்றது. அதற்குப் பின் நடிகர் விஜயின் 50வது பிறந்த நாளை முன்னிட்டு படத்தின் இரண்டாவது பாடலான 'சின்ன சின்ன கண்கள்' பாடல் வெளியாகி நல்ல வரவேற்பை பெற்றது.
கோட் பட பாடல்கள்:
இந்தப் பாடலை விஜய் பாடியிருக்கிறார். அதுமட்டுமில்லாமல் இந்தப் பாடலில் மறைந்த பாடகி பவதாரணி குரலும் வந்திருக்கிறது. பவதாரணையின் குரலை ஏஐ டெக்னாலஜி மூலம் மறு உருவாக்கம் செய்திருக்கிறார்கள். குறிப்பாக, கோட் படத்திலிருந்து வெளியான 'ஸ்பார்க்' என்ற மூன்றாவது பாடல் கடும் விமர்சனத்திற்கு உண்டானது. அந்தப் பாடலுக்காக இசையமைப்பாளர் யுவன் சங்கர் ராஜாவை ரசிகர்கள் வறுத்தெடுத்திருந்தனர். அதையெல்லாம் சரி செய்யும் வகையில், சமீபத்தில் கோட் படத்தின்ட்ரெய்லர் வெளியாகி ரசிகர்களை உற்சாகப்படுத்துகிறது.
கோட் ட்ரெய்லர்:
டெய்லரின் ஆரம்பத்திலேயே, நண்பா நண்பிஸ் என்னும் கோரிக்கையோடு விஜய் பாணியில் அமர்க்களப்படுத்தி உள்ளார்கள். ஏற்கனவே கிடைத்த தகவலின் படி இப்படத்தில், விஜய் SATZ ஏஜென்டாக நடித்திருக்கிறார். மேலும், ட்ரெய்லரில் பிரசாந்த் விஜய்யை அறிமுகப்படுத்தும் வகையில் காட்டி இருக்கிறார்கள். அதேபோல், மறைந்த நடிகர் கேப்டன் விஜயகாந்த் இப்படத்தில் வருவது போல் காட்சிகள் இருக்கிறது என்று சொன்ன நிலையில், அந்த காட்சிகள் எதுவும் ட்ரெய்லரில் இடம்பெறவில்லை.
வெங்கட் பிரபுவிடம் விஜய் சொன்னது:
இந்நிலையில், இயக்குனர் வெங்கட் பிரபு ஒரு பேட்டியில், 'கோட் படம் எடுப்பதற்கு முன்பு விஜய் சாரிடம் இப்படத்தில் பிரசாந்த், பிரபு, மோகன் எல்லாரும் இருக்காங்க'ன்னு சொன்னேன். அதற்கு அவர், 'யோவ் என்னய்யா சொல்ற இவ்வளவு பேரை வச்சு படம் எடுத்துடுவியா. பிரசாந்த் எல்லாம் நான் சினிமாவுக்கு வரும்போதே பெரிய ஸ்டார்' என்று சொன்னாரு. அதற்கு நான், 'உங்க கூட நடிக்கிற சந்தோஷம் ஒரு பக்கம் இருந்தாலும், இந்த படத்தில் அவர்களின் கேரக்டர்கள் நன்றாக இருப்பதால்தான் நடிக்கிறார்கள்' என்று சொல்லி விஜய் சாரை சமாதான படுத்தினேன்' என்று கூறியுள்ளார்.
