இயக்குனர் அட்லீ தமிழ் சினிமாவில் ஒரு 'காபி கேட்' என்று அழைக்கப்பட்டாலும், இவர் எடுக்கும் படங்கள் எப்படியோ ஹிட் அடித்து விடுகின்றது. தமிழ் சினிமாவில் வந்த பழைய கதைகளை சுட்டு அதில் சில தனக்கு தெரிந்த தந்திரங்களை பயன்படுத்தி மீண்டும் ரசிகர்களுக்கு விருந்தளித்து வருகிறார் அட்லீ.
இந்நிலையில் சமீபத்தில் வெளியான 'டிக் டிக் டிக்' படத்தில் ஜெயம் ரவி ஒரு மேஜிஷியனாக நடித்துள்ளார். சமீபத்தில் பேட்டி ஒன்றில் பங்கேற்ற இந்த படத்தின் இயக்குனர் சக்தி சௌந்தராஜானிடம் 'அட்லீ படத்திலும் சரி, உங்கள் படத்திலும் சரி ஒரே மாதிரி மேஜிக் காட்சி வருகின்றதே' என்று கேள்வி கேட்கப்பட்டது.
இதற்கு பதில் கூறிய அவர் 'அட்லீயும் நானும் ஒரே ஹாலிவுட் படத்தில் இருந்து தான் காப்பி அடித்தோம், போதுமா, ஒரு மேஜிக் செய்பவன் வேறு எப்படி செய்வான்.' என்று காட்டமாக கூறியுள்ளார். சமீபத்தில் அட்லீ இயக்கத்தில், நடிகர் விஜய் நடிப்பில் வெளியான 'மெர்சல்' படத்திலும் விஜய் ஒரு மேஜிஷியனாக நடித்திருந்தார் என்பது குறிப்பிடத்தக்கது.
