குக் வித் கோமாளி 7 நிகழ்ச்சி குறித்த லேட்டஸ்ட் அப்டேட் தான் தற்போது இணையத்தில் வைரலாகி வருகிறது. தொலைக்காட்சியில் எத்தனையோ ரியாலிட்டி ஷோக்கள் வந்தாலும் ஒரு சில ரியாலிட்டி ஷோக்கள் மக்கள் மத்தியில் நல்ல வரவேற்பை பெற்று வருகிறது. அந்த வகையில் விஜய் டிவியில் குக் வித் கோமாளி’ நிகழ்ச்சி இதுவரை ஆறு சீசன்கள் முடிந்து இருக்கிறது. இந்த நிகழ்ச்சிக்கு என்று ஒரு தனி ரசிகர் பட்டாளமே இருக்கிறது. அதற்கு முக்கிய காரணமே, இந்த நிகழ்ச்சியில் வரும் கோமாளிகள் தான்.
எப்போதுமே பிக் பாஸ் நிகழ்ச்சி முடிந்த உடனே குக் வித் கோமாளி நிகழ்ச்சி தொடங்கும். அதோடு கடந்த நான்கு சீசன்களாக நடுவராக இருந்த வெங்கடேஷ் பட் கடந்த ஐந்தாவது சீசன் நிகழ்ச்சியில் இருந்து விலகி, சன் டிவியில் ஒளிபரப்பான ‘டாப் குக்கு டூப் குக்கு’ நிகழ்ச்சிக்கு நடுவராக சென்றார். அவருக்கு பதிலாக மாதம்பட்டி ரங்கராஜ் நடுவராக குக் வித் கோமாளி 5 நிகழிச்சியில் களம் இறங்கி இருந்தார்.
குக் வித் கோமாளி:
மேலும், இந்த நிகழ்ச்சியை ரக்ஷன் தான் தொகுத்து வழங்கி இருந்தார்கள். சினிமா, சீரியலை விட இந்த நிகழ்ச்சியின் மூலம் மக்கள் மத்தியில் வரவேற்பு அதிகமாக இருக்கிறது. பின் கடந்த சீசனில் செஃப் கௌஷிக் நடுவராக களமிறங்கி இருந்தார். இவர் ஏற்கனவே சன் டிவியில் ஒளிபரப்பான சமையல் நிகழ்ச்சியில் நடுவராக பங்கேற்று இருந்தார். கடந்த ஆறாவது சீசன் சிறப்பாக முடிந்தது. கடந்த சீசனில் ராஜு வென்றார். இரண்டாம் இடம் ஷபானா வென்றார்.
https://www.youtube.com/watch?v=8u5Zo9rlJmA
குக் வித் கோமாளி 7:
இப்படி இருக்கும் நிலையில் கடந்த சில வாரங்களாகவே குக் வித் கோமாளி சீசன் 7 நிகழ்ச்சி குறித்த அப்டேட் தான் இணையத்தில் வைரலாகி வருகிறது. சில தினங்களுக்கு முன்புதான் குக் வித் கோமாளி நிகழ்ச்சியின் முதல் ப்ரோமோ வெளியானது. அதில் கோமாளிகள் எல்லாம் சேர்ந்து கோமாளிகள் மீது கம்ப்ளைன்ட் கொடுத்திருந்தார்கள். இதை அடுத்து தற்போது இரண்டாவது பிரோமோ வெளியாகியிருக்கிறது. அதில், நடுவர்கள் எல்லோருமே சேர்ந்து புகார் கொடுத்து இருக்கிறார்கள். அப்போது புது நடுவராக ரோஜாவும் களமிறங்கி இருக்கிறார்.
https://www.youtube.com/watch?v=MWnLi3ALdP0
நிகழ்ச்சி அப்டேட்:
இந்த முறை நிகழ்ச்சியை புதுசாக வித்தியாசமாக கொண்டு செல்ல சேனல் தரப்பில் முயற்சித்திருக்கிறார்கள். இது மட்டும் இல்லாமல் இந்த நிகழ்ச்சியில் போட்டியாளர்களாக ரியல் கணவன் மனைவிகள் சமைக்க இருப்பதாக கூறப்படுகிறது. இதுவரை சூப்பர் சிங்கர் மகாலிங்கம், நாட்டுப்புற பாடகி சின்னப்பொண்ணு ஆகியோர் இந்த நிகழ்ச்சியில் கலந்து கொள்ள இருப்பதாக கூறப்படுகிறது. இது மட்டும் இல்லாமல் இன்னும் சில தம்பதிகளிடம் இது தொடர்பாக பேச்சுவார்த்தை நடந்து வருவதாக கூறப்படுகிறது.
