சென்னையில் உள்ள பிரபல லயோலா கல்லூரியில் நடத்தப்பட்ட ஓவிய கண் காட்சியில் காட்சிபடுத்தப்பட்ட புகைப்படங்கள் பெரும் சர்ச்சையை ஏற்படுத்தியுள்ளது. இதற்கு பல்வேறு இந்து அமைப்புகளும் அரசியல் கட்சிகளும் எதிர்ப்பு தெரிவித்து வருகின்றனர்.
கடந்த 19 மற்றும் 20 ஆம் தேதிகளில் சென்னை லயோலா கல்லூரியில் ஓவிய புகைப்பட கண்காட்சி நடைபெற்றது. இந்த கண்காட்சியில் இடம்பெற்ற சில புகைப்படங்களில் இந்து கடுவுள்களை ஆபாசமாக சித்தரித்து சில ஓவியங்கள் இருந்தது.
இத்தயையடுத்து பல்வேறு இந்து அமைப்புகள் கண்டனம் தெரிவிக்க லயோலா கல்லூரி சார்பாக அதற்கு மன்னிப்பு கேட்கப்பட்டது. இந்நிலையில் லயோலா கல்லூரியின் இந்த செயலை கண்டித்து நடிகை லட்சுமி ராமகிருஷ்ணன் ட்விட்டரில் கண்டனம் தெரிவித்தார்.
அதற்கு ட்விட்டர்வாசி ஒருவர் , இதில் என்ன கண்டனம் தெரிவிக்க இருக்கின்றது என கேட்க ‘உங்க அம்மாவை திட்டினால் நீங்கள் சும்மா இருப்பீர்களா?. எனக்கு என் மதம் தான் அம்மா’ என்று ஆவேசமாக திட்டி தீர்த்துள்ளார் லட்சுமி ராமகிருஷ்ணன்.
