‘மிஸ்டர் அண்ட் மிஸ்ஸஸ்’ சின்னத்திரை சீசன் 5 நிகழ்ச்சியின் போட்டியாளர்கள் குறித்த தகவல் தான் தற்போது சோசியல் மீடியாவில் படு வைரலாகி வருகிறது. தொலைக்காட்சி சேனல்கள் அனைத்தும் சீரியலை தாண்டி பல்வேறு ரியாலிட்டி நிகழ்ச்சிகளை நடத்தி வருகிறது. அதில் ஒரு சில ரியாலிட்டி நிகழ்ச்சி ரசிகர்கள் மத்தியில் பேராதரவை பெற்று விடுகிறது. அந்த வகையில் விஜய் டிவியில் ஒளிபரப்பான பல ரியாலிட்டி நிகழ்ச்சிகள் மக்கள் மத்தியில் நல்ல வரவேற்பை பெற்று இருக்கிறது.
அந்த வகையில் துவங்கப்பட்ட நிகழ்ச்சி தான் ‘மிஸ்டர் அண்ட் மிஸஸ் சின்னத்திரை’. இந்த நிலையில் பிரபலங்கள் கணவன் மனைவியாக நிகழ்ச்சியில் பங்கேற்று விளையாடுவார்கள். பின் பல போட்டிகள், சவால்கள் என இந்த நிகழ்ச்சி விறுவிறுப்பாக செல்லும். இந்த நிகழ்ச்சியை மாகாபா மற்றும் நிஷா தொகுத்து வழங்குவார்கள். நடுவராக நீயா நானா கோபிநாத் மற்றும் தேவதர்ஷினி இருப்பார்கள். மேலும் இந்த நிகழ்ச்சி 4 சீசன்களை கடந்து இருக்கிறது.
மிஸ்டர் அண்ட் மிஸஸ் சின்னத்திரை :
கடந்த நான்காவது சீசனில் மகாலிங்கம் -ராஜேஸ்வரி ஜோடி டைட்டில் வின்னர் ஆனார்கள். இந்த டைட்டில் வின்னர் ஜோடிக்கு மூன்று லட்சம் ரூபாய் பரிசு வழங்கப்பட்டிருந்தது. பின்னணி பாடகர் ஆன மகாலிங்கம் மற்றும் அவர் மனைவி நிகழ்ச்சியின் தொடக்கத்தில் இருந்து சிறப்பாக விளையாடினார்கள் என்பது குறிப்பிடத்தக்கது. இப்படி ரசிகர்களின் பேராதரவை பெற்ற மிஸ்டர் அண்ட் மிஸஸ் சின்னத்திரை சீசன் 5 அண்மையில் தொடங்க இருக்கிறது.
மிஸ்டர் அண்ட் மிஸஸ் சின்னத்திரை சீசன் 5:
இந்த நிகழ்ச்சிக்கு மாகாபா ஆனந்த் மற்றும் நிஷா தொகுத்து வழங்குகிறார்கள். அதேபோல், இந்த சீசனில் நீயா நானா கோபிநாத் மற்றும் ராதா நடுவர்களாக இருக்கிறார்கள் என்று தெரிய வருகிறது. இந்த நிகழ்ச்சி வரும் ஜூன் 29 முதல் சனி மற்றும் ஞாயிறு கிழமைகளில் மாலை 6:30 மணிக்கு ஒளிபரப்பாகும் என்று தெரிகிறது.
போட்டியாளர்கள் பட்டியல்:
இந்த நிலையில் நிகழ்ச்சியில் கலந்து கொள்ளும் போட்டியாளர்களின் பட்டியல் தான் தற்போது வெளியாகி இருக்கிறது. அதில்,
இந்திரஜா-கார்த்திக்
மீராகிருஷ்ணா-சிவகுமார்
நவீன்-சௌமியா
ஆஷிக்-சோனு
நாஞ்சில் விஜயன்-மரியா
சமீர்-அஜீபா
வைஷாலி-தேவ்
அமித்-ரஞ்சனி
லின்சி-சுரேந்தர்
தாமரை-பார்த்தசாரதி
கொட்டாச்சி-அஞ்சலி
