சிபிராஜ் திரை பயணத்தில் சத்யா படம் ஒரு சிறந்த திருப்பு முனையாக அமையும் என்பதில் எந்த வித சந்தேகமும் இல்லை. படத்தின் இறுதி வரை பல சஸ்பென்ஸ் இருக்கிறது. 2017 ஆம் ஆண்டின் சிறந்த படத்தின் பட்டியலில் இந்த படமும் இடம் பெரும் என்பதில் எந்தவித சந்தேகமும் இல்லை.
சிபி ராஜ் ஆஸ்திரேலியளவில் உள்ள ஒரு மென் பொருள் நிறுவனத்தில் பணிபுரிந்து வருகிறார். ரம்யா நம்பீசன்(முன்னாள் காதலி) அவரிடம் ஒரு உதவி வேண்டியதால் அவர் சென்னை வருகிறார்.
ரம்யா நம்பீசனின் குழந்தை கடத்தப்பட்டு இரண்டு மாதங்கள் ஆகியும், குழந்தையை கண்டுபிடிக்க முடியாமையால் அவர் சிபியிடம் உதவி கேட்கிறார்.
சிபிராஜ் எவ்வாறு அந்த குழந்தையை கண்டு பிடிக்கிறார், யார் குழந்தையை கடத்தினார்கள் என்பதுதான் கதை சுருக்கம்.
படத்தில் உள்ள அனைவரும் அருமையாக நடித்துள்ளனர், சிபி ராஜ் மற்றும் ரம்யா நம்பீசன் அவர்களின் நடிப்பு மிக அருமை. படத்தின் பின்னணி இசை மற்றும் பாடல்கள் கூடுதல் பலம். யோகி பாபு சிறிது நேரம் வந்தாலும் தியேட்டரில் கை தட்டல்களை அள்ளிக்கொண்டார். ஆனந்தராஜ் மற்றும் வரலஷ்மி சரத் குமார் காவலர் வேடத்தில் அசத்தி உள்ளனர்.
படத்தின் சுவாரசியத்தை மனதில் கொண்டு விமர்சனைத்தை சுருகிவிட்டேன். நிச்சயம் பார்க்க வேண்டிய படம்.