சீரியலில் நடித்து வரும் பல்வேறு நடிகர் நடிகைகளுக்கும் திரைப்படங்களில் நடிக்கும் வாய்ப்புகள் தேடிவந்த வண்ணம் இருக்கிறது. விஜய் தொலைக்காட்சியில் சீரியலில் நடித்து வந்த பிரியா பவனி ஷங்கர் தற்போது சினிமாவில் ஒரு சில படங்களில் நடித்து மக்கள் மத்தியில் பிரபலமடைந்துவிட்டார்.
இந்நிலையில் தொலைக்காட்சி சீரியலில் இருந்து அடுத்த வகையாக சன் டிவியில் ஒளிபரப்பான ‘தெய்வமகள்’ தொடரில் ‘சத்யா’ என்ற கதாபாத்திரத்தில் நடித்து மக்கள் மத்தியில் பிரபலமடைந்த நடிகை வாணி போஜன், தற்போது சினிமாவில் கால் பதிக்கவுள்ளார்.
இதையும் படியுங்க : நடிக்க வருவதற்கு முன் இப்படிப்பட்ட வேலை செய்தாரா வாணி போஜன் ! புகைப்படம் உள்ளே
தமிழில் சரோஜா, கப்பல், மேயாத மான் போன்ற படங்களில் நடித்த வைபவ் , நடிகர் நிதின் சத்யா தயாரிக்கவு புதிய படத்தில் நடிக்க இருக்கிறார். இந்த படத்தின் நடிகர் வைபவ் ஜோடியாக நடிக்க இருக்கிறார் வாணி போஜன். வாணி போஜன் கதாநாயகியாக நடிக்கும் முதல் தமிழ் படம் இது என்பது குறிப்பிடத்தக்கது.
ஏற்கனவே, நடிகை வாணி போஜன் லோகேஷ் குமார் என்பவறின் இயக்கத்தில் “N4” என்ற படத்தில் கதாநாயகியாக நடிக்கவிருக்கிறார் என்ற செய்திகள் வெளியாகின. இயக்குனர் லோகேஷ் குமார் தமிழில் ஏற்கனவே “My son is a gay” என்ற படத்தை இயக்கியுள்ளார் என்பது குறிப்பிடத்தக்கது. தற்போது இவர் இயக்கவிருக்கும் இவரது இரண்டாவது படமான “N4” ஒரு கமர்ஷியல் த்ரில்லர் படமாக இருக்கும் என்று தகவல்கள் வெளியாகி உள்ளது
